| e-texts navigator |
| Wylie |
70b1 བཙལ་དུ་མེད།། རང་བཞིན་གནས་པའི་ཆོས་ཉིད་དེ། ཅིར་ཡང་བརྟག་པར་མི་བྱ་ཞིང་།། སྤྱོད་པའི་མཐའ་དང་རྣམ་པར་བྲལ།། མ་བརྟགས་མ་དཔྱད་ཆོས་ཉིད་དེ།། སྐད་ཅིག་ཙམ་དུ་མི་འབྲལ་ཞིང་།། ཡོངས་ལ
70b2 གནས་པས་གདལ་བའི་ཀློང་།། ཀུན་གྱི་རང་བཞིན་འདི་ཡིན་པས།། ཀུན་འབྱུང་སྙིང་པོ་ཐེག་པའི་མཆོག། རྣམ་པར་དག་པའི་ཀློང་ཆེན་ལ།། དཔག་ཅིང་དམིགས་སུ་ཡེ་ནས་མེད།། འོན་ཀྱང་དམ་པར་བལྟ་བ
70b3 མེད།། མེད་པར་བལྟ་བ་དམ་པའི་ཀློང་།། ཀུན་གྱི་རང་བཞིན་འདི་ཡིན་པས།། སྤྱོད་ཡུལ་ཕྱོགས་མེད་ཡེ་སངས་རྒྱས།། འདི་ལ་ཕྱོགས་ཆ་ཡོངས་མི་མངའ། འདི་ལ་སྒྲིབ་པ་བསལ་དུ་མེད།། འདི་ལ་བསྔགས་པ་བརྗོད
70b4 མི་དགོས།། ཆོས་ཉིད་སྟོང་པ་གཞི་མེད་འདི།། ལ་ལས་རྒྱལ་པོའི་ཚུལ་དུ་མཐོང་།། ལ་ལས་དམངས་དང་འཁོར་ལྟར་མཐོང་།། ལ་ལས་ཡང་དག་ཉིད་དུ་མཐོང་།། འདི་ལ་མཐོང་བ་བསམ་མི་ཁྱབ།། ཇི་ལྟར་མཐོང
70b5 ཡང་རང་ཡིན་ཏེ།། རྟོག་པ་མ་སྐྱེ་ཡང་དག་ལྟོས།། ཐེ་ཚོམ་མ་ཟ་དབྱིངས་སུ་གྲོལ།། གྲོལ་བས་ཡོན་ཏན་ཁྱད་པར་འཕགས།། སངས་རྒྱས་རྣམས་ནི་ཆགས་པ་ཆེ།། དུས་གསུམ་རྒྱུན་དུ་དབྱིངས་ལ་ཞེ་ན།། སེམས་ཅན
70b6 རྣམས་ནི་རྟོག་པ་ཆེ།། རང་སྣང་གཅིག་ལ་གཞན་དུ་རྟོག། དབྱིངས་ལ་ཆགས་བྲལ་ཆགས་ཆེན་པོ།། མི་གནས་དོན་ལ་སྦྱོར་བའི་ཕྱིར།། ཡངས་ཤིང་རྒྱ་ཆེར་རབ་གསལ་བས།། ཀློང་གསལ་མར་མེ་མྱུར་དུ
iiif viewer powered by OpenSeadragon
