| e-texts navigator |
| Wylie |
70a1 པ། ཀུན་གཞི་ཆོས་ཉིད་ཟང་ཐལ་ལ།། རིག་པ་ཟོད་རྒལ་འབར་ཞིང་འཕྲོ།། མ་རྟོགས་པ་ལ་རྣམ་པར་རྟོག། རྟོགས་པའི་ཀློང་ལ་ཡེ་ཤེས་འབར།། འཁོར་བ་ཉིད་ན་འཁོར་བ་མེད།། འཁྲུལ་འཁོར་ཉིད
70a2 ན་མྱ་ངན་འདས།། མཁས་པ་རྣམས་ལ་ཡེ་ཤེས་ཤར།། མི་མཁས་པ་ལ་མུན་པར་སྣང་།། འདི་བོར་བདུད་རྩི་གཞན་ན་མེད།། སྐྱེ་ཤི་མེད་པས་འདུས་མ་བྱས།། ཡེ་ནས་རྡོ་རྗེ་སྙིང་པོའི་སྐུ།། རྒྱུ་འབྲས་མེད་ལས་འབྱུང
70a3 བའི་ཕྱིར།། ཡེ་ནས་ནམ་མཁའ་ལྟ་བུའི་ངང་།། མ་ནོར་དོན་གྱི་ལུང་འདི་ལ།། མ་བཙལ་ཐབས་ཀྱི་མཆོག་ཏུ་བསྟན།། གང་ལ་བསྟན་པར་བྱ་བ་དང་།། མི་བསྟན་པའང་རང་ལ་མེད།། ཡོད་དང་མེད་པའི་མཐའ་འཇིག
70a4 པས།། ཚད་མས་རྟོགས་པ་མ་ཡིན་ཏེ།། བཤིག་ཏུ་མེད་པས་རྡོ་རྗེའི་སེམས།། འཁྲུལ་པས་ཡོད་མེད་མཐའ་འཚོལ་བ།། ནམ་མཁའ་མཐོ་ཡིས་འཇལ་བ་བཞིན།། རིག་པ་གཏན་ལ་ཕེབས་མི་འགྱུར།། མཐའ་རྣམས
70a5 རང་སར་མ་གྲོལ་ཞིང་།། ཡུལ་རྣམས་རང་དུ་མ་འདུས་པར།། སངས་རྒྱས་འབྱུང་བར་འདོད་པ་ནི།། བལྟ་ཞིང་བལྟས་ཤིང་བརྟགས་པས་འཁྲུལ།། རྒྱུ་དང་འབྲས་བུར་ཞེན་པས་བསླད།། འདི་ལས་གཞན་པའི་སངས
70a6 རྒྱས་ཆོས།། རྒྱུ་རྐྱེན་གཉིས་ཀྱིས་མི་འགྲུབ་སྟེ།། རྒྱུ་རྐྱེན་གཉིས་ཀ་གློ་བུར་ཆོས།། དེ་གཉིས་ཡོད་ན་སྐྱེ་འཇིག་ཡོད།། དེ་གཉིས་མེད་ན་སྐྱེ་འཇིག་མེད།། སྐྱེ་འཇིག་མེད་པས་ཡང་དག་ལམ།། རང་ལ་གནས་པས
iiif viewer powered by OpenSeadragon
