| e-texts navigator |
| Wylie |
69b1 འདོད་ན་མི་དགེའི་ལས།། ཆེད་སྤྱོད་དོན་ལ་བློ་བཞག་ན།། སྙིང་རྗེ་མེད་པར་གསོད་པ་དང་།། འཇིགས་པ་མེད་པར་རྔམ་པ་དང་།། མ་རུངས་ལས་སུ་བྱེད་པ་དང་།། ཅི་སྤྱོད་གཞན་ལ་འཚེ་བ་དང་།། སྲོག་མེད་སྲོག
69b2 ལ་ཟ་བ་དང་།། སྙིང་རྗེ་མེད་པར་དོན་གཉེར་དང་།། ལས་སུ་མི་དགེ་བཅུ་སྤྱད་ན།། སེམས་ཅན་ཐར་པའི་གནས་སུ་འདྲེན།། སྲོག་གཅོད་སྡིག་ཏུ་འགྱུར་བ་ན།། ཡེ་ནས་ཆད་པས་སུ་ལ་སྡིག། དེས་ན་འདི་ལས་ཉེ་བ
69b3 ཡི།། ཐར་ལམ་གང་ཡང་ཡོད་མ་ཡིན།། ཉེ་བའི་ཐར་ལམ་གློར་བཞག་ནས།། སྙིང་རྗེ་དོན་དུ་གཉེར་མི་དགོས།། གང་ལ་འཛིན་པ་ཡོད་པ་ན།། ལྷག་པའི་བསམ་པ་ཤར་ཀྱང་བསྒྲིབས།། སངས་རྒྱས་མི་མཆོད་སློབ་ད
69b4 པོན་བསྐུར།། ཐ་མལ་སྤྱོད་ལམ་ཅི་བྱས་ཀྱང་།། དོན་དུ་འགྱུར་བས་འགལ་མི་འགྱུར།། དོན་འདི་ཚིག་ཏུ་མ་ཁྱེར་བར།། གནད་ཀྱི་གདེང་དུ་ཆུད་པ་གང་།། དམན་པའི་ལུས་ལ་དམ་པའི་སེམས།། དུས་གསུམ་སངས
69b5 རྒྱས་སྲས་གཅིག་པོ།། འཇིག་རྟེན་དྲེགས་པས་བཅིངས་པ་ཡི།། ལྷ་སྲིན་སྡེ་བརྒྱད་ཐམས་ཅད་ཀྱང་།། ཇོ་བོའི་ཚུལ་དུ་ཁུར་བར་བྱེད།། སངས་རྒྱས་ཀུན་དང་དགོངས་པ་མཉམ།། ནམ་མཁའ་ཉིད་ལ་ནམ
69b6 མཁའ་སྤྱོད།། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། སྤྱོད་པ་ཚད་བཞག་པའི་ལེའུ་སྟེ་བཅུ་པའོ།། །། དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དགོངས་པ་མ་ནོར་བར་གསུངས
iiif viewer powered by OpenSeadragon
