| e-texts navigator |
| Wylie |
69a1 མཐའ་ངན་པའི་བློ།། ཡོད་མེད་གཉིས་ཀ་ལྟོས་པའི་ཆོས།། ལྟོས་ཆོས་དབྱིངས་སུ་དག་པའི་ཕྱིར།། རྟག་དང་ཆད་པའི་མཐའ་ལས་གྲོལ།། དེ་དོན་མ་རྟོགས་བསྒོམས་པའི་ཀློང་།། མཉམ་པ་ཉིད་ཀྱི་དོན
69a2 ལས་གོལ།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། དཀྱིལ་འཁོར་བསྟན་པའི་ལེའུ་སྟེ་དགུ་པའོ།། །། དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དགོངས་པའི་དོན་མ་ནོར་བར
69a3 གསུངས་པ། ཀུན་འདུས་ཀློང་ཆེན་རང་བཞིན་འདི།། བཟང་ངན་མེད་པའི་ཆོས་ཡིན་པས།། འདི་ལ་ཉམས་སུ་ཅི་ཞིག་བླང་།། ཉམས་པར་གྱུར་པ་ཡོད་དམ་ཅི།། འདི་ལས་འདས་པ་གང་ཡང་མེད།། མི་འདའ་མ
69a4 གཡེལ་རྒྱ་མཚོའི་ཀླུང་། དམིགས་པའི་ཡུལ་ནི་ནམ་མཁའ་འདྲ།། ཕྲ་བའི་ཚད་ནི་རྡུལ་དང་མཚུངས།། བརྟན་པའི་ཚད་ནི་རི་རབ་འདྲ།། ཡངས་པས་མཁའ་དང་རྒྱ་མཚོའི་ཀློང་།། ཀུན་ཏུ་བཟང་མོའི་རང་བཞིན
69a5 ཏེ།། ཚད་མེད་ནམ་མཁའ་དག་དང་མཚུངས།། རྒྱལ་འགྲོ་ལ་སོགས་གྲངས་བརྗོད་ཀྱང་།། སེམས་ཉིད་ཀློང་ཆེན་དག་པ་དེར།། བཙལ་བས་རྙེད་པར་མི་འགྱུར་ཏེ།། མ་བཙལ་ཆོས་ཀྱི་སྐུ་འདི་ཡང་།། སྐུ་ཡི་སྐུ་སྟེ་ཀུན
69a6 ལ་སྣང་།། དེ་ཉིད་གང་ཡིན་སངས་རྒྱས་ཉིད།། ཉིད་ཀྱིས་ཉིད་ཚོལ་གཞན་ན་མེད།། དེ་བཞིན་ཉིད་འབྱམས་ཀུན་འབྱམས་ཀྱང་།། ཡུལ་དུ་བཙལ་བས་མི་རྙེད་དེ།། འཕགས་པའི་བྱང་ཆུབ་གཞན་ན་མེད།། བྱང་ཆུབ
iiif viewer powered by OpenSeadragon
