| e-texts navigator |
| Wylie |
68b1 ནང་མེད།། སྐྱེ་འགག་མེད་པས་དུས་གསུམ་མེད།། དུས་གསུམ་མེད་པས་སྐྱེ་ཤི་མེད།། འདུ་འབྲལ་མེད་པ་རྒྱལ་བའི་སྐུ།། དགོངས་པ་མཉམ་པ་ཉིད་དུ་གཅིག། རྒྱལ་བའི་དགོངས་སྤྱོད་བསམ་ཡས་ཀྱང་།། རང་བྱུང
68b2 ཡེ་ཤེས་གཅིག་གི་ཀློང་།། གཞན་དུ་གཡོས་པ་རྡུལ་ཙམ་མེད།། མ་བཅོས་དགོངས་པ་མཆོག་གི་ངང་།། སངས་རྒྱས་བྱང་ཆུབ་རང་གི་སེམས།། འགྲོ་དྲུག་སེམས་ཅན་རང་གི་ལུས།། རྣམ་པར་དག་པས་བྱང་ཆུབ
68b3 སྐུ།། གང་ལས་བཙལ་དུ་མེད་པའི་ཕྱིར།། མ་ནོར་སེམས་ཀྱི་ལུང་ཆེན་ཡིན།། སྤྱོད་ཡུལ་འདི་ལ་གནས་པ་གང་།། ཕྱོགས་མེད་དོན་ལ་གནས་པ་ཡིན།། འཇིག་རྟེན་འདི་ལ་ལྷ་མིར་སྤྱོད།། སངས་རྒྱས་ས་ན་གཙོ་བོའི
68b4 མཆོག། ལམ་དང་ས་དང་རྟེན་དག་ལ།། བགྲོད་རྩོལ་སྦྱང་བ་མི་དགོས་ཏེ།། ཡེ་ནས་ཅི་ལའང་མ་ཆགས་ཏེ།། གཞན་ལ་བརྟེན་དུ་ག་ལ་ཡོད།། སེམས་ཉིད་རྫོགས་པ་ཆེན་པོ་ལ།། བསྒོམ་ཞིང་དམིགས་སུ་མེད་པ
68b5 སྟེ།། མ་བསྒོམས་སངས་རྒྱས་དག་དང་མཚུངས།། དེ་ཕྱིར་བསྒོམ་མེད་དོན་འདི་ལ།། མ་བསྒོམས་སྟོར་བྲལ་མེད་པའི་ཕྱིར།། བསྒོམ་དང་མ་བསྒོམས་མེད་པར་མཚུངས།། ནམ་མཁའི་དཔེ་ལ་བསྒོམ་མི
68b6 གནས།། འཛིན་པའི་སེམས་ལ་བསྒོམ་དུ་མེད།། ཡོད་དང་མེད་པ་དབྱིངས་སུ་གཅིག། དེ་ལ་སོམ་ཉི་བྱ་རུ་མེད།། ཕྱི་ནང་དངོས་པོའི་རང་བཞིན་ཡང་།། ཡོད་མཐོང་ལོག་པའི་སྟོབས་ཀྱིས་སྣང་།། མེད་མཐོང་གྲུབ
iiif viewer powered by OpenSeadragon
