| e-texts navigator |
| Wylie |
68a1 བ་བྱང་ཆུབ་སེམས།། སེམས་ཀྱི་ཀློང་ནས་མ་ཤར་བའི།། ལྷག་པའི་ཆོས་ནི་གཞན་ན་མེད་དོ།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས།། རིགས་ལ་བྱེ་བྲག་མེད་པའི་ལེའུ
68a2 སྟེ་བརྒྱད་པའོ།། །། དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དགོངས་པ་མ་ནོར་བར་གསུངས་པ། དཀྱིལ་འཁོར་དཀྱིལ་འཁོར་ཞེས་བྱ་བ།། ཐམས་ཅད་འདུས་ཤིང་རྫོགས་པས་ན།། བྱང་ཆུབ་སེམས
68a3 ཀྱི་དཀྱིལ་འཁོར་ཡིན།། ཕྱི་ནང་སྒོ་ཕུགས་བྲལ་བས་ན།། མཉམ་པ་ཉིད་ཀྱི་དཀྱིལ་འཁོར་ཡིན།། མཐའ་དབུས་གཉིས་སུ་མེད་པའི་ཕྱིར།། མུ་མཐའ་མེད་པའི་དཀྱིལ་འཁོར་ཡིན།། འཁོར་འདས་སྟེང་འོག་མེད་པའི
68a4 ཕྱིར།། མཐོ་དམན་མེད་པའི་དཀྱིལ་འཁོར་ཡིན།། སྒྲིབ་པ་གཉིས་དང་བྲལ་བའི་ཕྱིར།། མ་བཀོད་གསལ་བའི་དཀྱིལ་འཁོར་ཡིན།། རིག་པ་ཕྱི་ནང་མེད་པའི་ཕྱིར།། དབྱེར་མེད་ཟང་ཐལ་དཀྱིལ་འཁོར
68a5 ཡིན།། དགག་བསྒྲུབ་གཉིས་དང་བྲལ་བའི་ཕྱིར།། རྒྱ་ཆེན་སྣང་བའི་དཀྱིལ་འཁོར་ཡིན།། མ་སྤངས་རང་སར་གྲོལ་བས་ན།། རང་བཞིན་ལྷུན་གྲུབ་དཀྱིལ་འཁོར་མཆོག། ཀློང་ཡངས་འུབ་ཆུབ་གད་ལ་ཁྱབ་པ།། སྤྱིར
68a6 ཆིབས་ས་བཅུ་འདུས་པའི་ཀློང་།། གཅིག་ལས་བྱེ་བྲག་ཕྱེ་བའི་ཕྱིར།། ས་བཅུར་སྣང་བ་ཡོན་ཏན་ཡིན།། གཅིག་ཏུ་འདུས་པས་མཐོ་དམན་མེད།། མཐོ་དམན་མེད་པས་ཡངས་དོག་མེད།། མཐའ་དབུས་བྲལ་བས་ཕྱི
iiif viewer powered by OpenSeadragon
