| e-texts navigator |
| Wylie |
67b1 གཅིག་ལ་སྐུ་ལྔར་སྣང་།། སྣང་བ་སྣ་ཚོགས་ཅིར་ཤར་ཡང་།། སྐུ་ལྔའི་ཀློང་ལས་གཡོས་པ་མེད།། དམྱལ་བ་ཚ་གྲང་སྡུག་བསྔལ་ཡང་།། ཆོས་ཉིད་རང་གི་ཀློང་ན་འབྱམས།། རང་ལས་ཐ་དད་མེད་པའི་ཕྱིར།། སྐུ
67b2 གསུམ་ཀློང་དུ་ཡེ་སངས་རྒྱས།། ཡི་དྭགས་བཀྲེས་སྐོམ་སྡུག་བསྔལ་ཡང་།། ཆོས་ཉིད་རང་གི་ཀློང་ན་འབྱམས།། རང་ལས་ཐ་དད་མེད་པའི་ཕྱིར།། སྐུ་གསུམ་ཀློང་དུ་ཡེ་སངས་རྒྱས།། བྱོལ་སོང་བཀོལ་སྤྱོད་སྡུག
67b3 བསྔལ་ཡང་།། ཆོས་ཉིད་རང་གི་ཀློང་ན་འབྱམས།། རང་ལས་ཐ་དད་མེད་པའི་ཕྱིར།། སྐུ་གསུམ་ཀློང་དུ་ཡེ་སངས་རྒྱས།། མི་དང་ལྷ་དང་ལྷ་མ་ཡིན།། དེ་ལ་སོགས་པའི་འགྲོ་དྲུག་ཀྱང་།། སྡུག་བསྔལ་རང་རྒྱུད་མེད
67b4 པའི་ཕྱིར།། དེ་ཡང་ཆོས་ཀྱི་དབྱིངས་ན་འབྱམས།། རང་ལས་ཐ་དད་མེད་པའི་ཕྱིར།། སྐུ་གསུམ་ཀློང་དུ་ཡེ་སངས་རྒྱས།། ཐེག་པའི་ཁྱད་པར་ཇི་སྐད་དུ།། བརྒྱད་ཁྲི་བཞི་སྟོང་གསུངས་པ་ཡང་།། ཀློང་ཆེན་གཅིག་གི
67b5 ཡོན་ཏན་ཏེ།། གདུལ་བྱ་རྣམས་ལ་བསྟན་པར་ཟད།། དེ་ལས་གཞན་དུ་བཏགས་པ་ཡིན།། རྒྱུ་འབྲས་རྣམ་པ་ཡོངས་ཀྱིས་མེད།། རྒྱུ་མེད་ཡེ་ནས་ཆོས་ཉིད་ཀློང་།། རྐྱེན་མེད་ཡེ་ནས་རོལ་པའི་ཀློང་།། འབྲས་བུ་རང
67b6 བྱུང་ཡེ་ཤེས་ཏེ།། མཚན་མའི་རྒྱུ་འབྲས་ཀུན་ལས་འདས།། ཡེ་ནས་སྐུ་གསུམ་ཀློང་དུ་གྲོལ།། དེ་རུ་མ་འདུས་ཆོས་མེད་པས།། སྙིགས་མ་ལྔ་ཉིད་བདེ་ལྡན་གནས།། ཡུལ་དང་འདོད་ཡོན་ཡེ་སངས་རྒྱས།། ཆོས་ཀུན་རྩ
iiif viewer powered by OpenSeadragon
