| e-texts navigator |
| Wylie |
66b1 མཁའ་ཉིད་ཡིན་བསལ་མི་དགོས།། རང་བྱུང་རང་ཞི་ཀློང་དུ་ཞི།། འགྲོ་ས་མེད་དེ་དེ་རུ་འབྱམས།། བྱུང་ས་མེད་དེ་དེ་ལས་བྱུང་།། དེ་བཞིན་འཁོར་འདས་སྣོད་བཅུད་ཀྱང་།། རང་བྱུང་རང་ཞི་ཆོས་ཉིད་ཀློང་།། བྱང
66b2 ཆུབ་སེམས་སུ་ཞི་བ་ལས།། གཞན་དུ་བལྟ་བའི་ཆོས་མེད་ཕྱིར། བྱང་ཆུབ་སེམས་ལ་སྐྱེ་ཤི་མེད།། འཕོ་འགྱུར་མེད་པ་རྒྱལ་བའི་སྐུ།། ཕྱི་ནང་མེད་པར་རང་གསལ་བས།། རང་བྱུང་ཡེ་ཤེས་ཐུགས་ཀྱི་ངང་།། སྐྱེ་བའི་ཆོ
66b3 འཕྲུལ་རྒྱལ་བའི་གསུང་།། སྐུ་གསུམ་དབྱེར་མེད་ལྷུན་གྲུབ་ཀློང་།། བྱང་ཆུབ་སེམས་སུ་ཞི་བ་ལས།། གཅིག་གི་དབྱིངས་ལས་མ་གཡོས་པར།། སྐུ་གསུང་ཐུགས་ཤར་རང་གི་རྩལ།། བྱ་བྲལ་ཀློང་དུ་བྱེ་བྲག
66b4 མེད།། མཁའ་ལ་སྤྲིན་བཞིན་ཀློང་ན་འབྱམས།། ཡེ་ཤེས་དབྱིངས་ལས་མ་གཡོས་ཀྱང་།། རང་བྱུང་རྒྱལ་བའི་ཐུགས་རྗེ་ཡིས།། གདུལ་བྱ་མ་ལུས་ཀུན་འདུལ་བ།། རོལ་པའི་ཕྱག་རྒྱ་སྐར་ཚོགས་བཞིན།། གཅིག་གི་ཆོ
66b5 འཕྲུལ་གྲངས་མེད་པས།། དབྱིངས་སུ་ཐ་དད་ཡོང་གིས་མེད།། རང་བྱུང་ཡེ་ཤེས་མཁའ་ཀློང་ནས།། ཤར་བའི་ཆོས་རྣམས་ཐམས་ཅད་ཀུན།། འཛིན་པས་སོ་སོར་བཏགས་པ་ཀུན།། དབྱིངས་ལ་བྱེ་བྲག་གང་ཡང
66b6 མེད།། མ་འདྲེས་ཡོངས་རྫོགས་དབྱིངས་ཀྱི་རྒྱན།། རང་སར་གྲོལ་བ་དབྱིངས་ཀྱི་ཀློང་།། ཀློང་ཆེན་གཅིག་ལས་མ་གཡོས་པས།། ཀློང་ཕྲན་མཐའ་ཡས་ཀུན་ཤར་ཡང་།། རང་བཞིན་ལྷུན་གྲུབ་གཞི་ཡི་ཀློང་།། ངོ་བོ
iiif viewer powered by OpenSeadragon
