| e-texts navigator |
| Wylie |
66a1 ཀྱི་དབྱིངས།། དེ་ལྟར་སྣང་ཡང་སྣང་འབྱམས་རང་།། མཚན་མེད་ཐིག་ལེ་ལྷུན་འབྱམས་ལ།། ཕྱི་ནང་གཉིས་ཀ་གཉིས་མེད་སྟོང་།། ཀུན་སྣང་ཁྱབ་གདལ་ཆོས་ཀྱི་དབྱིངས།། ཇི་ལྟར་སྟོང་ཡང་དབྱིངས
66a2 སུ་འབྱམས།། ཅིར་གསལ་ཐིག་ལེ་ལྷུན་འབྱམས་ལ།། ཕྱི་ནང་གཉིས་ཀ་གཉིས་མེད་རིག། ཀུན་རིག་ཡུལ་མེད་ཆོས་ཀྱི་དབྱིངས།། ཇི་ལྟར་རིག་ཀྱང་རིག་པའི་དབྱིངས།། ཤར་ནུབ་མེད་པའི་ཐིག་ལེ་ལ།། ཕྱི་ནང
66a3 གཉིས་ཀ་གཉིས་མེད་ཤར།། ཀུན་ཤར་ཟང་ཐལ་ཆོས་ཀྱི་དབྱིངས།། ཇི་ལྟར་ཤར་ཡང་ཡེ་ཤེས་འབྱམས།། འཕོ་འགྱུར་མེད་པའི་ལྷུན་གྲུབ་ལ།། ཕྱི་ནང་གཉིས་ཀ་གཉིས་མེད་གནས།། ཀུན་གཞི་གནས་འགྱུར་ཆོས་ཀྱི
66a4 དབྱིངས།། ཇི་ལྟར་གནས་ཀྱང་ལྷུན་གྲུབ་འབྱམས།། སྐྱེ་འགག་མེད་པའི་ཐིག་ལེ་ལ།། ཕྱི་ནང་གཉིས་ཀ་གཉིས་མེད་གྲོལ།། ཀུན་གྲོལ་ཉག་གཅིག་ཆོས་ཀྱི་དབྱིངས།། ཇི་ལྟར་གྲོལ་ཀྱང་ཆོས་སྐུའི་ཀློང་།། ཀློང
66a5 འབྱམས་ཆེན་པོ་དེ་ཉིད་ལ།། དུས་གསུམ་རྣམ་པ་ཐམས་ཅད་དུ།། ཇི་ལྟར་བྱས་ཀྱང་ཆོས་ཉིད་རང་།། ཆོས་ཉིད་ཀློང་ལ་མཚན་མ་མེད།། ཡོད་མེད་ལ་སོགས་རྣམ་པ་ཀུན།། ཡེ་ནས་མ་སྐྱེས་གཞི་མེད་པས།། ཅིར་སྣང
66a6 མཚན་མ་མེད་པར་སྣང་།། བཅོས་བསླད་ངང་གིས་བྱ་མི་དགོས།། སུས་ཀྱང་མ་བཅོས་མ་བྱས་པའི།། ནམ་མཁའ་ལྟ་བུའི་རང་བཞིན་ལ།། འཇའ་ཚོན་སྤྲིན་ཚོགས་གློ་བུར་ཆོས།། རྟོག་པའི་བྱུང་ཚོར་ཇི་སྙེད་པ།། ནམ
iiif viewer powered by OpenSeadragon
