| e-texts navigator |
| Wylie |
65b1 མེད་ལ།། སྤྱོད་ཡུལ་བྲལ་བར་བལྟ་བ་སྟེ།། ཐབས་དང་ཤེས་རབ་དོན་དུ་འཛིན།། ཨ་ནུ་ཡོ་གའི་བལྟ་བ་ནི།། དབྱིངས་ལས་ཡེ་ཤེས་མཐུ་སྣང་བས།། གཉིས་མེད་བྱང་སེམས་བདེ་བ་ཆེ།། ཡོ་ག་རྣམ་བཞིས་གཞི་བྱས
65b2 ནས།། ཇི་ལྟར་བལྟས་ཀྱང་ཆོས་ཀྱི་དབྱིངས།། གཞན་དུ་གཡོས་པ་མེད་པའི་ཕྱིར།། ཐེག་པ་ཀུན་འབྱམས་མཐོ་དམན་མེད།། ཀློང་ཆེན་རྒྱལ་པོ་ལྟ་བུ་ཡིས།། ཐམས་ཅད་ཀུན་ལ་དབང་བསྒྱུར་བས།། རྒྱལ་སྲིད་ཀུན
65b3 ཀྱང་གཅིག་ཏུ་འདུས།། མཐའ་གཉིས་མ་གྲུབ་མ་སྤངས་པས།། ཆོས་ཉིད་ཀློང་ལ་ཡངས་དོག་མེད།། བདེ་གད་ལ་བྱང་ཆུབ་སེམས་ཀྱི་དབྱིངས།། ཐམས་ཅད་འདུས་པས་ཐིག་ལེར་གཅིག། ཡེ་ནས་མ་སྐྱེས་ཆོས་ཀྱི
65b4 སྐུ།། སྐྱེ་ན་སྐྱེ་འབྱམས་སྐྱེ་མེད་དང་།། ཤི་ན་ཤི་འབྱམས་འཆི་མེད་ཀློང་།། ཐིག་ལེའི་ངང་ལ་སྐྱེ་ཤི་མེད།། འཁོར་འབྱམས་འདས་འབྱམས་དབྱེར་མེད་འབྱམས།། དགེ་འབྱམས་སྡིག་འབྱམས་མ་སྤངས
65b5 འབྱམས།། ཐིག་ལེའི་ངང་ལ་འཁོར་འདས་དང་།། དགེ་སྡིག་རྒྱུ་འབྲས་ཡེ་ནས་མེད།། རྟག་ན་རྟག་འབྱམས་ཆད་འབྱམས་ཏེ།། ཐིག་ལེའི་ངང་ལ་རྟག་ཆད་མེད།། མཉམ་པ་རིས་མེད་ཡེ་གདལ་ལ།། སྣང་འབྱམས
65b6 སྟོང་འབྱམས་དབྱེར་མེད་འབྱམས།། ཐིག་ལེ་གཅིག་ལ་སྣང་སྟོང་གཉིས།། ཡེ་ནས་མེད་ཕྱིར་མཉམ་པའི་ངང་།། མཉམ་ཉིད་ཐིག་ལེ་ལྷུན་འབྱམས་ལ།། ཕྱི་ནང་གཉིས་ཀ་གཉིས་མེད་སྣང་།། ཀུན་སྣང་རིས་མེད་ཆོས
iiif viewer powered by OpenSeadragon
