| e-texts navigator |
| Wylie |
65a1 པའི།། ཡུལ་ཅན་རྫས་སུ་མ་གྲུབ་པས།། གཞན་དུ་སྣང་བ་གུད་ན་མེད།། རྟོག་པའི་དབང་གིས་གཞན་དུ་བཏགས།། བྱང་ཆུབ་སེམས་ལ་ཕྱི་ནང་མེད།། ཡུལ་མེད་ཀློང་ན་ཀུན་འབྱམས་པས།། གཞི་རྩ
65a2 མེད་པའི་ཆོས་ཉིད་ཡིན།། རྣམ་པར་དག་པའི་ངང་ཉིད་ལ།། རྟེན་འབྲེལ་སྒྱུ་མའི་རོལ་པར་ཤར།། གཞི་ཤར་རང་གྲོལ་རང་སྣང་ལས།། བྱ་བྲལ་མུ་མེད་ཀློང་དུ་འབྱམས།། ཞེས་གསུངས་སོ།། ཀློང་ཆེན་རབ་འབྱམས
65a3 རྒྱལ་པོའི་རྒྱུད་ལས། རིག་པ་ཡུལ་མེད་དུ་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་བཅོམ་ལྡན་འདས་ཀྱིས་འོག་མ་པ་ལ་ནན་ཏན་དུ་གསུངས་པ། ཉན་ཐོས་དོན་ལས་འཁྲུལ་པ་ཡིས།། ཡུལ་སེམས
65a4 གཉིས་སུ་བཟུང་བས་ནོར།། རང་རྒྱལ་དོན་ལས་འཁྲུལ་པ་ཡིས།། རྟེན་འབྲེལ་བཅུ་གཉིས་དོན་ལ་རྟོག། བྱང་ཆུབ་སེམས་དཔའ་བློ་ཆུང་བས།། བདེན་པ་གཉིས་ཀྱི་ཚུལ་དུ་འཛིན།། ཅིར་སྣང་སེམས་ཉིད་རང་སྣང
65a5 ལ།། ཕ་རོལ་ནན་གྱིས་རྟོག་པ་དེ།། མཉམ་ཉིད་མི་རྟོག་འཁྲུལ་པའི་བློ།། ཀྲི་ཡ་རིགས་གསུམ་ལྷར་བསྒོམས་ནས།། ལུས་ངག་རྩོལ་བའི་བྱ་བྱེད་ཅན།། གཉིས་ཀ་རྒྱུད་ཀྱི་ཐེག་པ་ནི།། ཁ་བྲག་ལམ་དུ་ཞུགས་པ
65a6 བཞིན།། ཡོ་ག་སྔགས་དང་ཕྱག་རྒྱ་ཡང་།། སྨོན་པ་གར་ཐབ་བྱེད་དང་མཚུངས།། ཇི་ལྟར་སྣང་ཡང་རང་རིག་ལ།། བྱང་ཆུབ་སེམས་ལས་གཞན་མེད་པས།། གཞན་དུ་བལྟ་བ་འཁྲུལ་པའི་བློ།། མ་ཧཱ་བདེན་པ་དབྱེར
iiif viewer powered by OpenSeadragon
