| e-texts navigator |
| Wylie |
64b1 རབ་ཏུ་ཐིམ།། བྱར་མེད་སེམས་ཉིད་ཀློང་ཆེན་ལ།། རྩོལ་བ་མ་ལུས་ཀུན་སྤངས་ཏེ།། མ་བཅོས་ངང་དུ་ལྷུན་གྱིས་གྲུབ།། སྐྱོན་ཡོན་བདེ་སྡུག་འཁོར་འདས་ཆོས།། མཁའ་རླུང་བར་སྣང་སྤྲིན་བཞིན་དུ།། རང་བྱུང་རང
64b2 ཞི་ཀློང་དུ་གྲོལ།། གྲོལ་བར་བཏགས་པ་ཐ་སྙད་དེ།། གྲོལ་བའི་ཕྱོགས་སུ་ལྷུང་བའི་ཕྱིར།། འཛིན་པ་རྟོག་པའི་ནད་དུ་ཆེ།། གྲོལ་དང་མ་གྲོལ་གཅིག་གི་ཀློང་། གཉིས་སུ་འཛིན་པའང་དེ་ན་འབྱམས།། མཉམ་པའི
64b3 དོན་ལས་འཁྲུལ་པ་མེད།། ཐིག་ལེ་ཆེན་པོ་ཆོས་ཀྱི་སྐུ།། བྱང་ཆུབ་སེམས་ཀྱི་རང་བཞིན་ལས།། གང་ཡང་མ་སྤངས་ཡངས་པ་ཆེ།། གང་དུ་མི་གནས་དག་པས་ན།། མཐའ་དང་བྲལ་བའི་ཀློང་དུ་གྲོལ།། གདལ་བ
64b4 ཆེན་པོའི་ངང་ལ་གནས།། གཅིག་པུ་རྟེན་མེད་ཡུལ་མེད་པས།། རིས་མེད་ཕྱོགས་མེད་གནས་མེད་ཕྱིར།། སུས་ཀྱང་མ་བྱས་རང་གི་ཀློང་།། གསལ་བར་ཤར་ཕྱིར་ཕྱི་ནང་མེད།། སྔ་མའི་རྒྱུ་མའི་རྟེན་མེད་ལ།། ཕྱི་མའི
64b5 གནས་མེད་ཡུལ་མེད་པས།། བག་ཆགས་བཞག་པའི་གཞི་མེད་ཕྱིར།། ཀུན་གཞི་ཡུལ་མེད་ཟང་ཐལ་ཀློང་།། ནམ་མཁའི་ཁམས་ཀྱི་བྱ་ལམ་བཞིན།། རྗེས་མེད་སྐྱོན་དང་ཡོན་ཏན་བྲལ། འཁོར་བ་མྱ་ངན་འདས་པའི
64b6 ཆོས།། རྒྱུ་རྐྱེན་མེད་པར་རང་ལས་བྱུང་།། མཚན་ཉིད་མེད་པས་ཀློང་དུ་འབྱམས།། རེ་དོགས་མེད་པས་དབྱིངས་ལ་གསལ།། དབྱིངས་ལ་དབྱིངས་ཤར་བྱང་ཆུབ་སེམས།། སེམས་ཀློང་གཅིག་ལས་མ་གཏོགས
iiif viewer powered by OpenSeadragon
