| e-texts navigator |
| Wylie |
64a1 ཉིད་ལ།། བསྒོམ་བྱ་སྒོམ་བྱེད་གཉིས་སུ་མེད།། གཉིས་དང་གཉིས་མེད་མཉམ་པའི་དབྱིངས།། ཐ་དད་མེད་པས་མཉམ་པར་འབྱམས།། མཉམ་ཉིད་གཅིག་པའི་ཀློང་དཀྱིལ་ནས།། མི་མཉམ་ཀློང་ཕྲན
64a2 མཐའ་ཡས་ཤར།། འདྲ་དང་མི་འདྲའི་ཁྱད་པར་གྱིས།། ཅི་ཡང་ཡིན་ནོ་གང་ཡང་འདྲ།། དབྱིངས་ལ་བཟང་ངན་བྱེ་བྲག་མེད།། འདྲ་ན་འདྲ་འབྱམས་མི་འདྲ་ཡང་། ཀུན་འབྱམས་ཡིན་ཏེ་དབྱེ་བསལ་མེད།། ཆོས་ལ
64a3 ཆོས་ཀྱིས་མི་མཚོན་ཏེ།། དབྱིངས་ལ་འདི་འདྲའི་ཡུལ་མི་གནས།། གང་ཡིན་གང་དང་མི་འགལ་བས།། གྲུབ་མཐའ་ཀུན་གྱི་སྙིང་པོ་ཡིན།། འགལ་དང་མི་འགལ་མེད་པར་གཅིག། དབྱིངས་སུ་མ་འབྱམས་གང་ཡང
64a4 མེད།། དེས་ན་ཀུན་བཟང་གདལ་བའི་ཀློང་།། ཐམས་ཅད་མཉམ་པར་ཡོངས་ཀྱིས་གནས།། རྟོག་པས་རྩོལ་དང་མི་རྟོག་བསྒོམ།། བཙལ་དུ་མེད་པས་ཀུན་ཀྱང་འདྲ།། གཉིས་མེད་རང་བཞིན་ཀློང་དུ
64a5 འབྱམས།། གཉིས་ཀ་སེམས་ཉིད་ཡིན་པས་ན།། དངོས་པོར་སྣང་བ་ཅི་ཡང་མེད།། ཅི་ཡང་མེད་པའི་ཆོས་ཉིད་ལ།། བཟང་ངན་བླང་དོར་ཡོངས་ཀྱིས་མེད།། རང་བཞིན་དབྱིངས་སུ་གཅིག་པ་ལ།། མཚན་མའི་སྤྲོས
64a6 དང་ངང་གིས་བྲལ།། མ་སྐྱེས་སེམས་ཀྱི་རང་བཞིན་ལ།། ངོ་བོ་འདི་འདྲར་མི་གནས་ཕྱིར།། དགག་དང་སྒྲུབ་པར་བྱ་བ་དང་།། སྤང་དང་ཐོབ་པར་བྱ་བ་མེད།། མི་མཐུན་གཉེན་པོ་དབྱེར་མེད་པས།། གཅིག་གི་ཀློང་དུ
iiif viewer powered by OpenSeadragon
