| e-texts navigator |
| Wylie |
62b1 དང་བྲལ།། དེ་མཐོང་སངས་རྒྱས་མངོན་སུམ་སྟེ།། དེ་བསྒོམས་མཚན་མའི་གོལ་ས་ཡིན།། བསྒོམ་དུ་མེད་ལ་སྟེགས་ཚོལ་བ།། མཁའ་ལ་གསེར་གྱི་སྐས་ཚོལ་འདྲ།། སེམས་ལས་མ་གཏོགས་ཆོས་འཚོལ་བ།
62b2 དྭདགས་སྨིག་རྒྱུ་བསྙེག་པ་བཞིན།། དོན་དང་ཕྲད་པར་མི་འགྱུར་ཏེ།། སེམས་ཀྱི་རང་བཞིན་དེ་ཤེས་ན།། ཆོས་ཀྱི་རང་བཞིན་ཤེས་པ་ཡིན།། གཅིག་ཤེས་ཀུན་ཀྱང་ཤེས་པ་ཡིན།། གཅིག་རིག་ཀུན་ཀྱང་རིག་པ
62b3 ཡིན།། རང་རིག་ཀློང་ན་མ་རིག་མེད།། མ་རིག་པ་དང་ཡེ་ཤེས་གཉིས། གཞི་རྩ་མེད་ལ་སོ་སོར་བརྟགས།། དེ་ཡང་མ་རིག་འཁྲུལ་པའི་སེམས།། བསམ་དུ་མེད་དང་བསམ་གཏན་གཉིས།། ངེས་པ་གཅིག་ལ་བྱེ་བྲག
62b4 འབྱེད།། དེ་ཡང་འོག་མ་འཕྲུལ་པའི་བློ།། བསྒོམ་དུ་མེད་དང་བསྒོམ་པ་གཉིས།། ངེས་པ་གཅིག་ལ་བྱེ་བྲག་འབྱེད།། དེ་ཡང་ཕྲལ་ཅན་རྟོག་པའི་བློ།། ཡང་དག་དོན་གྱི་ངོ་བོ་ལ།། གང་ཞིག་བསྒོམ་ཞིང་ཅི་ཞིག
62b5 བསམ།། བསམ་དུ་དམིགས་པའི་མཐའ་ལས་འདས།། བསྒོམ་དུ་ཡེངས་པའི་ཡུལ་དང་བྲལ།། དོན་དེའི་ཚུལ་གྱིས་མཚན་དུ་མེད།། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། དགོངས་པ
62b6 མཆོག་གི་ལེའུ་སྟེ་ལྔ་པའོ།། །། དེ་ནས་ཡང་བཅོམ་ལྡན་འདས་ཀྱིས་དགག་བསྒྲུབ་མེད་པའི་དོན་ལ་མཐའ་དབུས་མེད་པར་གསུངས་པ།། ཕྱོགས་མེད་ལྷུན་གྲུབ་མཐའ་མེད་ཀློང་།། ཡེ་ཤེས་དབྱིངས་ལ་རབ
iiif viewer powered by OpenSeadragon
