| e-texts navigator |
| Wylie |
62a1 བར་འཁྱམས།། མ་དག་པ་ཡི་གོལ་སར་བཤད།། ཕྱོགས་མེད་ལྷུན་གྲུབ་མ་རྟོགས་པར།། ཕྱོགས་ལ་ཡུལ་དུ་འཛིན་པ་ཡིས།། དབྱིངས་ལ་ཁ་ཚོན་གཅོད་པའི་ཕྱིར།། དག་པའི་གོལ་ས་ཞེས་སུ
62a2 བཤད།། བྱང་ཆུབ་སེམས་ཀྱི་རང་བཞིན་ལ།། དག་དང་མ་དག་གཉིས་སུ་མེད།། གཉིས་མེད་མི་འགྱུར་ཆོས་ཀྱི་དབྱིངས།། དབྱིངས་ལ་གོལ་ས་མེད་པའི་ཕྱིར།། ས་སྟེང་འགྲོ་བ་ཇི་བཞིན་ནོ།། གཉིས་མེད་བསམ
62a3 འདས་ཆོས་དབྱིངས་ལ།། འཇུག་པར་བྱ་དང་འབྱུང་བར་བྱེད།། གཉིས་སུ་སྣང་བའི་ཡུལ་མེད་པས།། ཆོས་སྐུ་གཅིག་པུ་རབ་ཏུ་དབེན།། ཕྱོགས་བྲལ་མཁའ་ལྟར་ཡངས་པ་ལ།། དགག་པར་བྱ་དང་སྒྲུབ་པར
62a4 བྱེད།། བླང་དང་དོར་བའི་ཡུལ་མེད་པས།། བྱ་བྲལ་ཀློང་ཆེན་ཡེ་ནས་ཡངས།། སྒྱུ་མའི་འཁྲུལ་འཁོར་ལྟ་བུ་ཡི།། རིགས་དྲུག་རྒྱུད་ལྔའི་སེམས་ཅན་ལ།། ཆོས་ཉིད་སྤྱི་ཁྱབ་ཡིན་པས་ན།། ཡུལ་མེད་རིག་པ་ཡེ་ནས་ཆེ།།
62a5 སེམས་ཀྱི་རང་བཞིན་ངེས་མེད་ལ།། ཕྱི་ནང་སྒོ་ཕུགས་མེད་པའི་ཕྱིར།། ཁ་གཏིང་མེད་པར་ཡེ་ནས་གསལ།། འཁོར་བ་ཡེ་ནས་མྱ་ངན་འདས།། སྡུག་བསྔལ་བྱང་ཆུབ་སེམས་སུ་ཤར།། གང་ལ་ཐོབ་པར་བྱ་བ
62a6 དང་།། འཇུག་པར་བྱ་བ་ཅི་ཡང་མེད།། ཡུལ་དང་སེམས་སུ་དབྱེ་བ་མེད།། མ་བརྟགས་སེམས་ཀྱི་ཆོ་འཕྲུལ་ཡིན།། བརྟགས་ན་སེམས་ཀྱི་ངོ་བོ་ནི།། དམིགས་སུ་རྡུལ་ཙམ་ཡོད་མི་འགྱུར།། དེ་ཕྱིར་གདགས་གཞི་ཀུན
iiif viewer powered by OpenSeadragon
