| e-texts navigator |
| Wylie |
61b1 པའི་གྲུབ་མཐའ་ཡང་།། བརྟག་དཔྱད་མི་བྱ་བློས་མི་བསམ།། རྒྱལ་བའི་དགོངས་པ་མཚོན་དུ་མེད།། ཐ་སྙད་ཚིག་ལ་བློ་མི་བརྟེན།། ཚིག་དང་ཡི་གེས་གདགས་སུ་མེད།། སེམས་དཔའ་མཆོག་གི་གོ་འཕང
61b2 ནི།། རིགས་ཆེན་གནོད་པའི་ས་གཅིག་ལ།། གདགས་གཞི་བྲལ་བའི་ངོ་བོར་གནས།། མཚན་མེད་མཚན་མར་བསྒོམ་མི་བྱ།། མི་བསམ་རྟག་ཏུ་ཡེ་ནས་གནས།། དབྱིངས་ལ་བསམ་དུ་མེད་པའི་ཕྱིར།། དོན་ལ་བསམ
61b3 པའི་གཞི་དང་བྲལ།། དེ་བཞིན་ཉིད་ལ་གཞི་མེད་ཕྱིར།། རྣམ་ཤེས་རྒྱུ་ལ་མཚན་ཉིད་མེད།། རྒྱུ་མཚན་མེད་པས་ཆོས་ཀྱི་དབྱིངས།། དེས་ན་དམིགས་པའི་མཐའ་ལས་འདས།། ལམ་དུ་བཙལ་བས་ཅི་ཞིག་རྙེད།། ཐ
61b4 སྙད་མེད་པས་སངས་རྒྱས་ཡིན།། སངས་རྒྱས་ཉིད་ལ་བཙལ་རྒྱུ་མེད།། སངས་རྒྱས་སངས་རྒྱས་ཞེས་བྱ་བ།། བྱང་ཆུབ་སེམས་ལས་ལོགས་ན་མེད།། བྱང་ཆུབ་སེམས་ནི་སངས་རྒྱས་ཡིན།། སངས་རྒྱས་ཉིད་ཀྱང་བྱང
61b5 ཆུབ་སེམས།། སེམས་དང་སངས་རྒྱས་དབྱེར་མེད་པས།། འཁོར་བའི་རིགས་དང་མྱང་འདས་མེད།། ཀུན་གྱི་རང་བཞིན་འདི་ཡིན་པས།། དེ་ལ་བསམ་པའི་ཡུལ་ཡང་མེད།། ཞེན་པར་བྱ་བའི་གནས་མེད་པས།། ཡུལ
61b6 ད་རིག་པ་གཅིག་པུ་ཉིད།། སྐེ་བཞི་རྒྱུད་དྲུག་སྣང་བ་ཡང་།། གཟུང་འཛིན་ཞེན་པ་བརྟས་པ་ལས།། འཕགས་པའི་ཆོས་ལ་བདག་ཏུ་བཟུང་།། དབྱིངས་ལ་ཁ་ཚོན་གཅོད་པའི་ཕྱིར།། འཁྲུལ་པའི་དབང་གིས་འཁོར
iiif viewer powered by OpenSeadragon
