| e-texts navigator |
| Wylie |
61a1 ཐུགས།། རྒྱལ་བ་ཀུན་གྱིས་རྟོགས་པའི་ཕྱིར།། དགོངས་པ་མ་ལུས་ཕུལ་དུ་ཕྱིན།། འགྲོ་དྲག་འཁྲུལ་པས་མ་རྟོགས་པས།། ལྷན་ཅིག་སྐྱེས་ཀྱང་ངོ་མ་ཤེས།། བློ་ཆུང་རྣམས་ཀྱིས་མ་གོ་བས།། བརྟགས
61a2 དང་དཔྱད་པའི་མཐའ་ལས་གྲོལ།། དེ་ནི་བློ་ལྡན་གང་ཞིག་གིས།། གཞན་དུ་མི་བལྟ་རང་དུ་བལྟ།། བལྟས་པས་མཐོང་བ་མེད་པ་དེ།། མཉམ་པ་ཉིད་ཀྱི་དོན་མཐོང་ཡིན།། སྐུ་གསུམ་མཆོག་ཏུ་གྱུར་པས་ན།། ཆོས་ཀྱི
61a3 སྐུ་ཡི་ངང་ལ་གནས།། བླང་དོར་མེད་དང་སྐྱེ་འགག་མེད།། རྣལ་འབྱོར་ཆེན་པོ་ཞི་བའི་ས།། སངས་རྒྱས་ཀུན་གྱི་སྙིང་པོ་ཡིན།། མེད་པའི་སྙིང་པོ་ནམ་མཁའི་རྫོང་།། ཡོད་པའི་སྙིང་པོ་རྡོ་རྗེའི་སྐུ།། གཉིས་མེད་སྙིང་པོ
61a4 ཕྱོགས་དང་བྲལ།། སྙིང་པོ་བྱང་ཆུབ་སེམས་འདི་ལ།། ཅིར་ཡང་མཚོན་དུ་མེད་པའི་ཕྱིར།། བསམ་ཞིང་བརྟགས་ཏེ་གང་ལ་དམིགས།། དམིགས་མེད་ཆོས་སྐུ་མཐའ་དང་བྲལ།། ཞེས་གསུངས་སོ།། ཀློང་ཆེན་རབ
61a5 འབྱམས་རྒྱལ་པོའི་རྒྱུད་ལས། དོན་གྱི་སྙིང་པོ་བསྟན་པའི་ལེའུ་སྟེ་བཞི་པའོ།། ། དེ་ནས་ཡང་བཅོམ་ལྡན་འདས་ཀྱིས་གསུངས་པ། ཉིད་ལས་མི་གཞན་འཁོར་རྣམས་ལ།། རྣལ་འབྱོར་དོན་དུ་གང་བསྟན
61a6 པ།། དེ་བཞིན་གཤེགས་པ་རྣམས་ཀྱི་ཐུགས།། སྐུ་གསུང་ཐུགས་ཀྱི་ཕྱག་རྒྱ་ཡང་།། རྟེན་དུ་མི་བཅའ་རང་སར་བཞག། འཁྲུལ་བས་བརྟགས་པའི་ཐ་སྙད་ཀྱང་།། དོན་དུ་མི་བཟུང་ཡལ་བར་བཏང་།། ལོག་པས་དཔྱད
iiif viewer powered by OpenSeadragon
