| e-texts navigator |
| Wylie |
60b1 ཆད་པའི་གོལ་སར་བྱུང་།། མཐའ་གཉིས་དབྱིངས་ལ་མི་གནས་ཕྱིར།། མི་རྟོག་ཡེ་ཤེས་ཀློང་དུ་ཐིམ།། རང་བྱུང་ཡེ་ཤེས་སྐུ་བརྙེས་པས།། མཐའ་རྣམས་ཀུན་གྱིས་མི་ནུབ་ཕྱིར།། རྒྱལ་མཚན་ནོར་བུ་རིན་པོ་ཆེ།། ཁྱད
60b2 པར་འཕགས་པ་མཆོག་གི་ལམ།། བླ་མེད་བདེར་གཤེགས་རྣམས་ཀྱི་ཐུགས།། ས་བཅུའི་བྱང་ཆུབ་སེམས་དཔའི་སྐུ།། འགྲོ་དྲུག་སེམས་ཅན་རྣམས་ཀྱི་ལུས།། གཏེར་ཆེན་འདི་ལས་གཞན་མེད་པས།། ཀུན་གྱི་རང
60b3 བཞིན་འདི་རུ་གཅིག། གཅིག་པོ་མ་ངེས་ཕྱོགས་དང་བྲལ།། ནམ་མཁའ་ལྟ་བུར་ཁྱབ་པའི་ཀློང་།། མཚན་མ་མེད་པའི་དབྱིངས་སུ་ཐིམ།། ཆོས་ཀྱི་སྙིང་པོ་དབྱིངས་ཀྱི་ཀློང་།། ཀུན་འབྱུང་ནོར་བུ་རིན་པོ་ཆེ།། བགྲོད
60b4 མེད་རྩོལ་བྲལ་རིག་པའི་ཀློང་།། གཞི་རྩ་མེད་པའི་སེམས་ཉིད་ལ།། ཁ་དོག་དབྱིབས་ཀྱང་གཟུང་དུ་མེད།། ཡུལ་དང་གནས་ཀྱང་བསྟན་དུ་མེད།། ཐམས་ཅད་དེ་ཡིས་བསྐྱེད་པའི་ཕྱིར།། དུས་གསུམ་རྒྱལ་བ་རྣམས་ཀྱི
60b5 ཡུམ།། ཐམས་ཅད་གནས་སུ་མེད་ལ་གནས།། ཀུན་ཀྱང་བརྟན་དུ་མེད་ལ་བརྟེན།། ཕུ་བགྲོད་མདའ་བགྲོད་གར་ཕྱིན་ཀྱང་།། སེམས་ཀྱི་ཀློང་ལས་མ་གཡོས་པས།། ཀུན་གྱི་དུར་ཁྲོད་ཆེན་པོའི་དབྱིངས།། མཚན་མ
60b6 དབྱིངས་སུ་དག་པའི་ཕྱིར།། རྣམ་དག་ཆེན་པོ་ཉམས་དགའི་ཀློང་།། ཡོན་ཏན་ཐམས་ཅད་འདུས་པའི་ཕྱིར།། ནོར་བུ་རིན་ཆེན་སྤུངས་པའི་ཁྲོད།། ཡུལ་དང་ཡུལ་ཅན་མེད་པའི་ཕྱིར།། བསམ་གྱིས་མི་ཁྱབ་སྐུ་གསུང
iiif viewer powered by OpenSeadragon
