| e-texts navigator |
| Wylie |
60a1 བཟླས་པ་བྱ་མི་དགོས།། ཅི་ཞིག་བསྒྲུབ་ཅིང་གང་ལ་གནས།། བྱར་མེད་དོན་ལ་བསྔགས་སུ་མེད།། ཇི་ལྟར་སྣང་ཞིང་གྲགས་པའི་ཆོས།། རང་ལས་བྱུང་བས་རང་གི་རྒྱན།། གཞན་དུ་འཛིན་པ་རྟོག་པའི
60a2 བློ།། དེ་ལ་ཞེན་པ་འཁྲུལ་པའི་སེམས།། གཟུང་འཛིན་མེད་ན་གྲོལ་བའི་ལམ།། རང་སེམས་དེ་རུ་མ་ཤེས་ན།། ཐབས་ཆེན་གཞན་དུ་བཙལ་དུ་མེད།། སྟོན་པ་རང་དུ་མ་ཤེས་ན།། ཀུན་ཏུ་བཟང་པོ་ལོགས་ན
60a3 མེད།། བསྟན་པ་རང་དུ་མ་ཤེས་ན།། ཐེག་པའི་རྣམ་གྲངས་གཞན་ན་མེད།། འཁོར་རྣམས་རང་དུ་མ་ཤེས་ན།། ཡུལ་གཞན་འདུ་ཤེས་སྐྱེ་བར་འགྱུར།། དུས་རྣམས་རང་དུ་མ་ཤེས་ན།། རེ་བའི་ཟག་པ་ཆོད་མི
60a4 འགྱུར།། དེ་ལྟར་གནས་པའི་དོན་འདི་ལ།། འཆིང་དང་གྲོལ་བ་གཉིས་སུ་མེད།། གཞལ་བྱ་འཇལ་བྱེད་ཚིག་གི་མཐའ།། དམིགས་པའི་ཡུལ་ལ་རྟོག་དཔྱོད་བྱེད།། ཡིད་དཔྱོད་ཤེས་པ་དོན་དུ་འཛིན།། བསྐལ་པ་བྱེ་བ
60a5 བརྒྱར་བགྲངས་ཀྱང་།། བྱ་མེད་དོན་དང་ཕྲད་མི་འགྱུར།། རྣམ་དག་ལམ་ཆེན་ཀུན་འབྱུང་ཕྱིར།། སྐྱེ་བའི་སྒོ་ཡང་དགག་ཏུ་མེད།། མ་བཀག་བྱང་ཆུབ་སེམས་ཀྱི་ཀློང་།། བྱང་ཆུབ་སེམས་ལ་སྐྱེ་བ་མེད།། འཆི་བའི་ལམ
60a6 ཡང་བཅད་དུ་མེད།། མ་བཅད་བྱང་ཆུབ་སེམས་ཀྱི་ཀློང་།། བྱང་ཆུབ་སེམས་ལ་འཆི་བ་མེད།། སྐྱེ་ཤི་མེད་པའི་བདུད་རྩི་འདི།། རང་ལ་གནས་པས་བཙལ་མི་དགོས།། ཡོད་དང་མེད་པའི་ཁྱད་པར་ལས།། རྟག་དང
iiif viewer powered by OpenSeadragon
