| e-texts navigator |
| Wylie |
5b1 རོ།། བྱས་པ་ཐམས་ཅད་མི་རྟག་འདུས་བྱས་ཡིན། འདུས་བྱས་མྱ་ངན་མཐའ་ལས་འདས།། ཨེ་མ་ཧོ། བགྲོད་པར་འདོད་པ་ཉོན་རེ་མོངས།། དེ་ལྟར་བགྲོད་པས་དེ་ལྟར་མི་རྟོགས་སོ།། བགྲོད་ནས་བྱང་ཆུབ
5b2 འདོད་པ་སྨིག་རྒྱུར་བསྙེག་པ་འདྲ།། གསེར་སྦྲམ་ཁྱིམ་དུ་སྦས་ནས་གསེར་ས་འཚོལ།། ཆོས་ཉིད་རང་སྣང་མ་ཤེས་གཞན་ལ་འཚོལ།། བརྩོན་འགྲུས་བྱས་པས་འབྲས་བུ་རྙེད་པར་དཀའ།། ཞེས་གསུངས་སོ།། འབྱུང
5b3 པོ་ཀུན་འདུལ་གྱི་རྒྱུད་ལས། ཀུན་ཏུ་བཟང་པོ་ལ་བྱིན་རླབས་རང་ལ་ཤར་ནས། ཆོས་ལས་འདས་པའི་ལེའུ་སྟེ་གཉིས་པའོ།། །། དེ་ནས་ཡང་བྱིན་གྱིས་རླབས་ཀྱིས་ལུང་བསྟན་པ། རྡོ་རྗེ་ཆོས་ཀྱི་བློ་གྲོས
5b4 ཉོན།། ཐེག་པ་སྣ་ཚོགས་བསྒྲུབ་བྱ་དང་།། དེ་ཡི་འབྲས་བུ་སྒྲུབ་བྱེད་དང་།། སྣང་བ་ལམ་གྱི་མདོར་བསྡུས་པ།། དེ་ནི་བདག་གིས་བཤད་པར་བྱ།། ཉན་ཐོས་སྣང་བ་རྡུལ་ཕྲན་དང་།། ནང་གི་ཤེས་པ་བརྗོད་མེད
5b5 ཡིན།། དེ་ཡང་ཤེས་རབ་ཁྱད་པར་ལས།། སྣང་བ་རྡུལ་དུ་ཤེས་པ་དང་།། ནང་ལ་བརྗོད་དུ་མེད་པའོ།། དེ་ཡང་རྡུལ་ཕྲན་དོན་དམ་མོ།། རང་རྒྱལ་བ་ཡི་སྣང་བ་འདི།། རྡུལ་ཕྲན་སྒྱུ་མ་ལྟ་བུ་ལ།། རྟེན་འབྲེལ་བཅུ
5b6 གཉིས་ཤེས་རབ་ཡིན།། ཞི་གནས་ལྷག་མཐོང་ཤེས་པས་འཕགས།། སེམས་ཙམ་རྣམ་པར་སྣང་བ་འདི།། སེམས་ལས་མ་རྟོགས་ལོགས་སྣང་མེད།། རྣམ་པར་སྣང་ཡང་མི་རྟོག་པས།། དེ་ནི་རྣམ་བཅས་ཤེས་རབ
iiif viewer powered by OpenSeadragon
