| e-texts navigator |
| Wylie |
59b1 དང་མི་གཡོ་མེད་པའི་ཕྱིར།། རྒྱལ་བའི་དགོངས་པ་འདི་ལས་མེད།། རྣམ་པར་དག་པའི་ཆོས་ཉིད་ལ།། རྒྱུ་འབྲས་རྫས་སུ་རྟོག་པ་ན།། གྲུབ་མཐའ་ངན་པས་བཅིངས་པ་སྟེ།། འཁྲུལ་པས་དོན་ལས་གོལ་བའི
59b2 ཕྱིར།། བསྟན་ཞིང་བརྗོད་པར་རབ་ཏུ་དཀའ།། ཀློང་ཆེན་འཁྱིལ་པའི་མཁའ་དབྱིངས་ནི།། ཀུན་གྱི་གནས་ཆེན་ཡིན་པའི་ཕྱིར།། ཡུལ་ལ་སྤྱོད་ཅིང་རྣམ་པར་ཡིན།། འཁྲུལ་པས་དོན་ལས་གོལ་བའི་ཕྱིར།། ཚད་མས
59b3 བཤིགས་པས་མི་ཤིགས་ཏེ།། ཀློང་ཆེན་རང་གི་མཐུ་ཡིས་གྲོལ།། རྟོག་མཐའ་བཅད་པས་མི་ཆོད་དེ།། ཀློང་ཆེན་རང་གི་སྟོབས་ཀྱིས་གཅོད།། རང་སེམས་ཚད་མའི་གདེང་ལྡན་པའི།། འགྱུར་མེད་དོན་གྱི་གཡུང་དྲུང
59b4 ཡིན།། ལུང་རིག་དོན་གྱི་བྱ་ར་བས།། ལོག་རྟོགས་ལྐུགས་པ་རྡུལ་དུ་བརླག། ཕྱིར་མི་ལྡོག་པ་དོན་གྱི་ལུང་།། མཐའ་རུ་མི་གཏོང་འཛིན་པར་བྱེད།། ཤེས་རབ་མཚུངས་མེད་རིག་པའི་ཚད།། ཡུལ་དུ་མི་གཅོད་མཉམ
59b5 པའི་ཀླུང་།། ཀུན་གྱི་ཐུན་མོང་མ་ཡིན་པས།། འདི་ལ་བཙལ་ཞིང་བསྒྲུབ་ཏུ་མེད།། འདི་ལ་ཅི་ཡང་བྱ་མི་དགོས།། དཀའ་ཐུབ་དཀའ་སྤྱོད་མི་དགོས་ཏེ།། འདི་ལ་སྦྱང་ཞིང་བགྲོད་དུ་མེད།། མ་བཅོས་རང་ས་ཉིད་དུ
59b6 གསལ།། སྟོབས་ལྡན་ཆགས་པའི་ཡུལ་མེད་པས།། ལམ་སྟེགས་འབྲས་བུ་ཐོབ་ཏུ་མེད།། བྱར་མེད་ཡེ་ཀློང་དོན་འདི་ལ།། ཚིག་ཏུ་མཚོན་དུ་གདགས་གཞི་མེད།། ཡུལ་དུ་བྱ་རུ་དམིགས་གཏད་མེད།། ཏིང་འཛིན
iiif viewer powered by OpenSeadragon
