| e-texts navigator |
| Wylie |
59a1 ཕྱིར།། མ་སྤངས་རང་སར་གྲོལ་བ་ཡིན།། བྱང་ཆུབ་སེམས་ནི་ཕྱོགས་མེད་ཡིན།། རང་བཞིན་ངེས་པ་མེད་པའི་ཕྱིར།། གཅིག་ཏུ་མི་གནས་ཀུན་ལ་ཁྱབ།། བྱང་ཆུབ་སེམས་ལ་བཙལ་དུ་མེད།། ཡོན་ཏན
59a2 རང་ལ་རྫོགས་པའི་ཕྱིར།། ཕྱོགས་མེད་ཀུན་ཏུ་ཤར་བ་ཡིན།། བྱང་ཆུབ་སེམས་ལ་བསྒྲུབ་ཏུ་མེད།། ཐམས་ཅད་དེ་རུ་འདུས་པའི་ཕྱིར།། མ་བསྒྲུབས་ལྷུན་གྲུབ་འབྲས་བུ་ཡིན།། ཞེས་གསུངས་སོ།། ཀློང་ཆེན་རབ
59a3 འབྱམས་རྒྱལ་པོའི་རྒྱུད་ལས།། དོན་ལ་དཔག་ཏུ་མེད་པའི་ལེའུ་སྟེ་གསུམ་པའོ།། །། དེ་ནས་ཡང་བཅོམ་ལྡན་འདས་ཀྱིས་ཐུགས་ཀྱི་དགོངས་པ་མ་ནོར་བར་གསུངས་པ། ཐིག་ལེ་གཅིག་གི་ངོ་བོ
59a4 ལ།། སངས་རྒྱས་མ་རྒྱས་མེད་པར་གཅིག། སངས་རྒྱས་འབྲས་བུར་བཏགས་པ་ཡང་།། ཐོབ་པའི་ཡོན་ཏན་གཏན་ན་མེད།། སེམས་ཉིད་ཀློང་ཆེན་དེ་ཡི་མཐུ།། སེམས་ཅན་རྒྱུ་རུ་སྣང་བ་ཡང་།། འཁོར་བའི་ཉེས
59a5 དམིགས་ལོགས་ན་མེད།། བྱ་བྲལ་ཀློང་ཆེན་དེ་ཡི་རྩལ།། རྒྱུ་འབྲས་མེད་པའི་ཆོས་ཉིད་ལ།། སངས་རྒྱས་སེམས་ཅན་དབྱེར་མེད་དེ།། དེ་ལ་རང་གིས་བཅོས་སུ་མེད།། རྒྱུ་རྐྱེན་འབྲས་བུར་བཏགས་པ་ཡང་།། བཀྲི
59a6 དྲང་དོན་གྱིས་བསྟན་པར་ཟད།། མ་བཅོས་པ་ཡི་ཆོས་ཉིད་ལ།། མ་ནོར་གནས་ཤིང་མ་བྱས་གསལ།། མ་འགགས་པ་ཉིད་ཡེ་ཤེས་ཀློང་།། དེ་བཞིན་ཉིད་ཀྱི་གནས་འདི་ལ།། ཡེངས་དང་མ་ཡེངས་མེད་པ་དང་།། གཡོ།
iiif viewer powered by OpenSeadragon
