| e-texts navigator |
| Wylie |
58b1 གི་སྙིང་རྗེ་ཡང་།། མི་སྤང་འདི་རུ་སྤྱད་པས་ཤེས།། སྦྱོར་བ་ཐབས་ཀྱི་སྤྱོད་པ་ཡང་།། མི་གནས་ཡེ་ཤེས་བདེ་ཆེན་ལམ།། བདག་ཕྱོགས་གཞན་དུ་མི་འཛིན་པས།། མི་འབྲལ་གཟུངས་ཀྱི་སྲོག་ཏུ་བརྟན།། བྱང་ཆུབ
58b2 སེམས་ཀྱི་སྲོག་འདི་ལ།། བདུད་བཞིའི་ཚོགས་ཀྱིས་མི་ཆོམས་ཤིང་།། དགྲ་གསུམ་དག་གིས་གསད་དུ་མེད།། གཡང་ས་དྲུག་ཏུ་མི་ལྟུང་བས།། བྱ་བྲལ་ཀློང་ལས་ཉམས་པ་མེད།། སངས་རྒྱས་འབྲས་བུ་དོན་འདི།
58b3 ལས།། ལྷག་པར་བལྟས་ཏེ་གཞན་ན་མེད།། བྱ་བྲལ་མུ་མེད་ཆོས་ཀྱི་དབྱིངས།། སྙིང་རྗེ་ཆེན་པོ་སྟོང་མི་བྱེད།། ཆགས་སྡང་གནས་སུ་དག་པའི་ཕྱིར།། འདུ་བྱེད་སེམས་ཀྱི་བྱུང་ཚོར་མེད།། དབྱིངས་ལས་ཆོ་འཕྲུལ་ཅིར
58b4 ཤར་ཀྱང་།། ཡང་ལྡང་ཡང་ཞི་རང་གི་མཐུ།། རྒྱ་མཚོའི་ནོར་བུ་རིན་ཆེན་བཞིན།། ཡོན་ཏན་གཞན་ནས་བཙལ་དུ་མེད།། ངོ་བོ་ཉིད་ཀྱི་ཐུགས་རྗེས་གཟུང་།། མི་གཏོང་ཉོན་མོངས་ལྔར་སྣང་ཡང་།། ཐུགས་རྗེས་གཟུང
58b5 བའི་ཡུལ་ཡིན་པས།། བཏང་སྙོམས་མེད་པར་ཀུན་ལ་ཁྱབ།། རང་བྱུང་ཡེ་ཤེས་ཤར་ནུབ་མེད།། དེ་ལ་དཔེ་དང་ཚད་མ་མཆིས།། རང་བྱུང་དཔག་གིས་མི་ལངས་པས།། ཤེས་རབ་ཆེན་པོའི་དབྱིངས་ན་གསལ།། བྱང
58b6 ཆུབ་སེམས་ནི་རིན་པོ་ཆེ། ཡོན་ཏན་ཐམས་ཅད་འབྱུང་བའི་གཞི།། ཐིག་ལེ་ཆེན་པོར་ཀུན་འདུས་པས།། མི་རྩོལ་རང་ཤུགས་གནས་པ་ཡིན།། བྱང་ཆུབ་སེམས་ནི་ཡེ་སངས་རྒྱས།། གདོད་ནས་ལྷུན་གྱིས་གྲུབ་པའི
iiif viewer powered by OpenSeadragon
