| e-texts navigator |
| Wylie |
58a1 མ་བྱེད་ཅིག། མི་མཐུན་གཉེན་པོ་རྟོག་པའི་བློ།། བདེན་དང་མི་བདེན་ཐེ་ཚོམ་པ།། སྐྱོན་དང་ཡོན་ཏན་བླང་དོར་རྒྱུ།། བདེན་རྫུན་མེད་པ་མཉམ་ཉིད་དབྱིངས།། དེ་ཡི་དོན་ལས་གཡོས་པ་མེད།། དེ་ཡི
58a2 དོན་ལས་མ་གཡོས་ན།། རྣལ་འབྱོར་རྣལ་འབྱོར་རབ་ཏུ་ཆེ།། རྩེ་གཅིག་གནས་པའི་ཡོན་ཏན་དང་།། དར་ཅིག་བསམ་པའི་རྟོག་པ་ཡང་།། རང་བཞིན་དབྱིངས་སུ་གཅིག་པའི་ཕྱིར།། འདྲའོ་འདྲའོ་མཉམ་ཉིད་ཆེ།། དེ
58a3 བཞིན་ཉིད་ལ་འདི་འདྲ་ཞེས།། ཚད་མས་གཞལ་དུ་མེད་པའི་ཕྱིར།། དཔག་དཀའ་གཏིང་རིང་སྒོ་ཡངས་པས།། འཁྲུལ་པ་རྟོག་གེའི་སྐྱེད་ཡུལ་མིན།། སེམས་ཉིད་བྱང་ཆུབ་ཆེན་པོ་ཡང་།། ཡོད་དང་མེད་ཅེས་གདགས
58a4 སུ་མེད།། བྱང་ཆུབ་སེམས་དེ་ཡོད་པར་སྣང་།། དངོས་པོ་ཀུན་ཏུ་མ་འགགས་པས།། བྱང་ཆུབ་སེམས་དེ་མེད་པར་སྣང་།། མཚན་མ་ངང་གིས་ཞི་བའི་ཕྱིར།། ཡོད་མེད་མཐའ་ལས་གྲོལ་བར་གནས།། ཆགས་སྡང་ཉོན
58a5 མོངས་རྣམ་པ་ལྔ།། འབར་ཞིང་ཀུན་ཏུ་གཡོ་བ་ཡང་།། རང་བྱུང་ཡེ་ཤེས་རྩལ་ཡིན་པས།། དགག་ཏུ་མེད་དེ་བདག་གི་རྒྱུ།། ཆོས་ཉིད་རང་ལས་སྣང་བ་ཡིན།། ཉོན་མོངས་མཚམས་མེད་ལྔ་པོ་ཡང་།། འདོད་སྤྱོད
58a6 དབྱིངས་ཀྱི་རྒྱན་ཡིན་པས།། སྤང་དུ་མེད་དེ་རང་གི་རྒྱན།། རོལ་པ་དག་ཏུ་ཤར་བ་ཡིན།། མ་རིག་འཁྲུལ་པས་སྐྱོན་དུ་བལྟས།། གཞན་དུ་འགེགས་དང་སྤོང་བ་དེ།། འདི་རུ་མི་སྤང་བཞག་པས་ཤེས།། སྒྲོལ་བ་དབང
iiif viewer powered by OpenSeadragon
