| e-texts navigator |
| Wylie |
57b1 མངོན་པར་ཞེན་པ་མེད།། ངག་དང་ཡིད་ཀྱི་སྤྱོད་ལམ་ཀུན།། གར་བདེ་རྒྱ་ཡན་ཡིན་པས་ན།། མངོན་ཞེན་མེད་དེ་ཅི་བདེར་གནས།། མཁའ་ལ་བཅོས་སུ་མེད་པ་བཞིན།། ལུས་ཀྱང་མེད་ལ་འཆོས་མཁན་མེད།། ལུས
57b2 ངག་ཡིད་ཀྱི་སྤྱོད་ཡུལ་ཀུན།། སྒྱུ་མ་བཞིན་དུ་རང་བཞིན་མེད།། ལུས་སེམས་མ་སྐྱེས་གཞི་མེད་པས།། གཟུང་དང་འཛིན་པ་གདོད་ནས་མེད།། ཆེ་ཆུང་མི་འབྱེད་གདོས་པ་མེད།། རྟོད་འཛིན་ཕུར་པ་ཡེ་ནས
57b3 མེད།། མཚན་མ་མེད་པའི་ནམ་མཁའ་ལ།། དམིགས་སུ་ཡོད་མེད་རྩོལ་བའི་ནད།། སེམས་ཉིད་ནམ་མཁའ་ལྟ་བུ་ལ།། ནམ་མཁའ་ལྟ་བུའི་བློ་བཞག་ན།། རང་བཞིན་དབྱིངས་སུ་གཅིག་པའི་ཕྱིར།། ལུས་ངག་སེམས
57b4 ཀྱི་འཛིན་པ་དག། འདི་ལ་བྱ་བ་མེད་པའི་ཕྱིར།། གང་ལྟར་ཤར་ཡང་དམིགས་གཏད་མེད།། དེ་ལ་གནས་སུ་མེད་པའི་ཕྱིར།། ཇི་ལྟར་འདུག་ཀྱང་གཞན་མི་རྟོག། མི་རྟོག་པར་ཡང་བསམ་མི་བྱ།། རང་བཞིན་གནས
57b5 པའི་དགོངས་པའི་ཀློང་།། བསམ་དུ་མེད་པའི་དབྱིངས་ཉིད་ལ།། བསམ་གྱིས་མི་ཁྱབ་ཡོན་ཏན་འབྱུང་།། ཆོས་རྣམས་མ་ལུས་བསམ་པའི་ཁྱད།། རང་རིག་སྨྲ་བསམ་ཀུན་ལས་འདས།། མི་རྟོག་པའང་དེ་དོན
57b6 མིན།། དེ་ལས་གཞན་ནའང་ཡོད་མ་ཡིན།། བསམ་དུ་མེད་པའི་ཆོས་ཀྱི་དབྱིངས།། གཉེན་པོས་བཅོས་སུ་རྡུལ་ཙམ་མེད།། དེ་དག་ཐམས་ཅད་ཅིར་ཤར་ཀྱང་།། རང་བཞིན་གཞི་ཤར་ཡིན་པས་ན།། དེ་ལ་འཆོས་པར
iiif viewer powered by OpenSeadragon
