| e-texts navigator |
| Wylie |
57a1 མེད་ལ།། འདི་ཞེས་བརྗོད་པ་འཁྲུལ་པའི་བློ།། འདུལ་བ་མདོ་སྡེ་མངོན་པ་དང་།། སྡེ་སྣོད་གསུམ་དུ་བཏགས་པ་ཡང་།། མིང་ཙམ་དོན་ལ་མེད་པའི་ཕྱིར།། སྟོན་པས་ཆོས་སུ་བཏགས་པར་ཟད།། ཆོས
57a2 ཀྱི་དབྱིངས་ཀྱི་རང་བཞིན་དེ།། ཚིག་གི་སྤྱོད་ཡུལ་མ་ཡིན་པས།། འཁྲུལ་པ་རྣམས་ཀྱིས་ཤེས་མི་ནུས།། འདས་དང་མ་འདས་སངས་རྒྱས་དང་།། སླད་ཀྱིས་འབྱོན་པའི་རྒྱལ་བ་རྣམས།། ཀུན་བཟང་རྡོ་རྗེ་ལྷ་ཡི་ལྷ།།
57a3 དབྱེར་མེད་གཅིག་ཏུ་གནས་པའི་ཕྱིར།། རང་བཞིན་དོན་ལས་གཡོས་པ་མེད།། སྣ་ཚོགས་ཆོས་སུ་སྣང་བ་ཀུན།། གཅིག་ལས་གྲངས་སུ་ཕྱེ་བས་ན།། ཆོས་རྣམས་ཐམས་ཅད་བྱེ་བྲག་མེད།། གཅིག་ཤེས་ཀུན་ཀྱང
57a4 ཤེས་པ་ཡིན།། གཅིག་རྟོགས་ཀུན་ཀྱང་དུས་གཅིག་རྟོགས།། ཀུན་ཀྱང་དབྱེར་མེད་ནམ་མཁའི་ངང་།། བདག་འཛིན་ཀུན་དང་བྲལ་བའི་ཕྱིར།། རྟོག་དང་རྟག་པ་ཡོངས་མི་དམིགས།། དངོས་མེད་དེ་བཞིན་ཉིད་འདི
57a5 ལ།། ཆོས་རྣམས་མ་ལུས་འབྱུང་བའི་ཕྱིར།། འཁོར་འདས་ཀུན་གྱི་གཞི་མ་ཡིན།། དེ་ཡང་དབྱིངས་ཀྱི་རང་བཞིན་ཉིད།། རང་བཞིན་དེ་ལྟར་ཤར་བས་ན།། ནམ་མཁའ་འོད་དུ་འབར་བ་ལྟར།། གཞི་ཤར་རང་གྲོལ
57a6 དོན་གྱི་གཏེར།། རང་བཞིན་གནས་པ་དགོངས་པའི་ཀློང་།། དོན་དང་ལྡན་པ་རྟོག་པའི་བློ།། དྲང་པོར་འདུག་པས་མ་ནོར་ལམ།། བཅོས་སུ་མེད་པས་རང་ལུགས་གནས།། ལུས་ཀྱིས་སྤྱོད་པ་ཅི་བྱས་ཀྱང་།། ལུས་ལ
iiif viewer powered by OpenSeadragon
