| e-texts navigator |
| Wylie |
56b1 ཆུབ་སེམས་འདི་ལ།། བཙལ་དུ་མེད་པ་སྤྱོད་པའི་ཀློང་།། དེ་ལས་སེམས་ཅན་སངས་རྒྱས་དང་།། ཆོས་དང་དགེ་འདུན་བྱེ་བྲག་མེད།། ཐམས་ཅད་མཁྱེན་པའི་ཡེ་ཤེས་དང་།། ཁམས་གསུམ་སྲིད་གསུམ་མ་ལུས
56b2 པ།། འཛིན་པའི་ཤེས་པས་བརྟགས་གྱུར་པའི།། གཉིས་སྣང་ཐམས་ཅད་བྱེ་བྲག་མེད།། ཐམས་ཅད་མཁྱེན་པའི་ཡེ་ཤེས་དང་།། དེ་བཞིན་ཉིད་ཀྱི་ཀློང་དུ་གཅིག། མཚན་ཉིད་མེད་པར་དབྱིངས་སུ་ཐིམ།། འདི་ལ་གང
56b3 ཡང་དམིགས་པ་མེད།། སྙིང་པོ་མཆོག་གི་རང་བཞིན་ལ།། མ་བཅོས་ཆོས་ཀྱི་སྐུ་རུ་གྲགས།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། འབྱུང་འཇུག་མེད་པའི་ལེའུ་སྟེ་གཉིས
56b4 པའོ།། །། དེ་ནས་ཡང་བཅོམ་ལྡན་འདས་ཀྱིས་གསུངས་པ། འཇིག་རྟེན་འདས་དང་འཇིག་རྟེན་ཐ་དད་པའི།། རྣམ་གྲངས་མིང་དུ་བཏགས་པ་ཀུན།། རང་བཞིན་གཅིག་ཏུ་མ་ཤེས་པས།། གྲངས་སུ་བརྗོད
56b5 པས་དོན་ལས་ཉམས།། མིང་དུ་བཏགས་པས་རྣམ་རྟོག་སྐྱེས།། ཡུལ་དུ་བཟུང་བས་ཞེན་བློ་བྱུང་།། ཞེན་པའི་འབྲས་བུ་བརྟས་པ་ལས།། ཕུང་པོ་ཁམས་དང་སྐྱེ་མཆེད་དང་།། ཡུལ་དང་དུས་དང་ཕྱོགས་དང་ནི།། ཁ
56b6 དོག་དབྱིབས་ལ་སོགས་པར་སྣང་།། མཉམ་པའི་དབྱིངས་ལ་གང་ཡང་མེད།། རྟོག་པ་ཕྲ་རགས་ཁྱད་པར་ལས།། ཐེག་པའི་གྲངས་སུ་བརྗོད་པ་ཡང་།། མཉམ་ཉིད་མི་རྟོག་སྐྱོན་དུ་འགྱུར།། ཆོས་ཀྱི་རང་བཞིན་གཉིས
iiif viewer powered by OpenSeadragon
