| e-texts navigator |
| Wylie |
55b1 ལ་ཉེ་རིང་མེད་པས་ན།། གཉིས་མེད་ཀློང་ན་རྟག་པར་བཞུགས།། འདི་རུ་མ་འདུས་གང་ཡང་མེད།། ཐམས་ཅད་གཅིག་ཏུ་རྫོགས་པས་ན།། ཐེག་པའི་ཡང་ཐོག་སྤྱི་ཡི་རྒྱན།། བདག་ཉིད་ཆེན་པོ་ཀུན་འདུས
55b2 དཔལ།། རྒྱལ་བ་རྣམས་ཀྱི་དགོངས་པའི་མཆོག། དེ་ལས་གཞན་པའི་ཆོས་མེད་པས།། གང་ལ་བརྟག་ཅིང་ཅི་ལ་འཇུག། གང་གིས་གང་ལ་ཕན་གདགས་སམ།། སུ་ཡིས་སུ་ལ་གནོད་པ་བསྐྱལ།། འབྱུང་འཇུག་མེད
55b3 པའི་ཏིང་འཛིན་ལ།། ཡེ་ནས་སྙོམས་པར་ཞུགས་པའི་ཕྱིར།། དམིགས་སུ་མེད་ཅིང་འདུ་འབྲལ་མེད།། རང་བཞིན་མེད་པའི་བྱང་ཆུབ་སེམས།། རིན་ཆེན་ལྟ་བུར་ཅིར་ཡང་སྣང་།། སུས་ཀྱང་མ་བཅོས་ངང་གིས
55b4 དག། མིང་དང་ཐ་སྙད་འཛིན་པའི་ཆོས།། ཐམས་ཅད་རང་བཞིན་དབྱེར་མེད་པས།། རབ་བྱུང་ཡེ་ཤེས་རང་གི་ཀློང་།། བདེ་དང་སྡུག་བསྔལ་བཏང་སྙོམས་ཀྱང་།། རང་བྱུང་རང་ཞི་ཉིད་དུ་གསལ།། རང་རིག་ཀློང་དུ
55b5 རྣམ་པར་དག། དེ་བཞིན་ཉིད་དེ་བཅོས་སུ་མེད།། སྐྱེ་བ་མེད་ལས་སྣ་ཚོགས་སྐྱེས།། སྐྱེས་པ་ཉིད་ནས་མ་སྐྱེས་ཏེ།། མཚན་མར་གྱུར་པ་རྡུལ་ཙམ་མེད།། གཡོས་པ་ཉིད་ནས་མ་གཡོས་ཏེ།། ཅིས་ཀྱང་མི་འགྱུར་མི
55b6 བསྐྱོད་པས།། རྡོ་རྗེ་སྙིང་པོ་རང་གི་མཐུ།། ཅིས་ཀྱང་མ་གོས་མི་ཤིགས་པས།། པདྨའི་སྙིང་པོ་ཉིད་ཀྱི་སྐུ།། ཕྱི་དང་ནང་མེད་དེ་བཞིན་ཉིད།། སངས་རྒྱས་ཞིང་ཁམས་མཐའ་ཡས་ཀྱང་།། བཀོད་པ་ཆེན་པོ་རང་གི
iiif viewer powered by OpenSeadragon
