| e-texts navigator |
| Wylie |
55a1 ཡང་གཉིས་སུ་མེད།། སྐུ་གསུང་ཐུགས་ཀྱང་བདག་ཏུ་གཅིག། བདག་ལས་གཞན་པར་བྱ་བའི་ཆོས།། སྤུ་ཡི་ཆ་ཙམ་ཡོད་མ་ཡིན།། མ་ལུས་རྣམ་གྲངས་བསམ་ཡས་ཀྱང་།། ཇི་བཞིན་ཉིད་དེ་དམིགས་སུ
55a2 མེད།། སྒྱུ་མ་ལྟ་བུར་རྟོགས་པའི་བློས།། དབང་པོ་ཡུལ་དུ་ཟག་པ་ཡིན།། བདེ་རིགས་གནས་སུ་མ་སྐྱོལ་པས།། མེད་པར་ངེས་པའི་དོན་གཅིག་ལ།། ཡོད་པར་མཐོང་བའི་སྡུག་བསྔལ་འབྱུང་།། ཇི་ལྟར་ཤར་ཡང་ཆོས
55a3 ཉིད་ཀློང་།། རང་བྱུང་རང་བཞིན་ནམ་མཁའི་ངང་།། འཇིག་རྟེན་འདས་དང་འཇིག་རྟེན་པའི།། ཐབས་དང་ཐུགས་རྗེའི་སྤྲུལ་པ་ཡང་།། ཡེ་ཤེས་དབྱིངས་ཀྱི་ཆོ་འཕྲུལ་ཏེ།། ཆོས་ཀྱི་སྙིང་པོ་རང་གི་མཐུ།། ངན་སོང
55a4 གསུམ་དང་སངས་རྒྱས་ཀྱང་།། ཐ་དད་སོ་སོར་ཡོངས་མི་གནས།། བདག་བློས་དེ་བཞིན་བརྟགས་པ་ཡིན།། དེ་བཞིན་ཤེས་ན་དགོངས་པའི་མཆོག། སངས་རྒྱས་གཞན་ནས་བཙལ་དུ་མེད།། ཡེ་སངས་རྒྱས་པའི་ཆོས
55a5 ཉིད་ལ།། རང་རྒྱུད་སྦྱངས་པས་ཅི་ཞིག་ཕན།། སྤང་བླང་བྱས་པས་ག་ལ་འགྲུབ།། ཕུང་པོ་ཁམས་དང་སྐྱེ་མཆེད་ཀྱང་།། སངས་རྒྱས་ཞིང་དང་ཡོན་ཏན་ཆོས།། དབྱེར་མེད་ཡེ་ནས་མཉམ་པའི་ཀློང་།། འགྲོ་བ་རིགས
55a6 དྲུག་སྐྱེ་གནས་བཞི།། ཡེ་ནས་བྱང་ཆུབ་ལམ་དུ་ཞུགས།། ཆོས་ཀྱི་དབྱིངས་ལ་མ་གཏོགས་པའི།། སེམས་ཅན་བྱ་བ་གུད་ན་མེད།། གཅིག་ཏུ་མི་གནས་ཀུན་ལ་ཁྱབ།། ཆགས་པའི་ཚུལ་གྱིས་མཉམ་པར་གནས།། ཀུན
iiif viewer powered by OpenSeadragon
