| e-texts navigator |
| Wylie |
54b1 པའི་སྡུག་བསྔལ་གྱིས།། རང་ལ་གནས་པའི་དོན་མ་རིག། ཡང་དག་དོན་ལ་བདེ་དང་སྡུག་བསྔལ་མེད།། སྟོང་པའི་བག་ལ་དངོས་པོར་ཆགས།། བརྟགས་ན་དངོས་པོ་ཉིད་མི་གནས།། མེད་པའི་དོན་ལ་གང་ཡང
54b2 སྣང་།། རང་རིག་ཀློང་ན་སྟོང་དང་དངོས་པོར་མེད།། མེད་པར་ཤེས་ན་འཁོར་བའི་ལམ་ལས་གྲོལ།། རྟོགས་ལྡན་མཆོག་གི་དགོངས་པའོ།། མཚན་ཉིད་གཅིག་པའི་རང་བཞིན་ཀུན་ཏུ་སྣང་།། མཚན་མ་མེད་པར་ཀུན
54b3 ཏུ་ཁྱབ་པའི་སྐུ།། དབྱིངས་ལས་རྒྱལ་བའི་སྐུ་རུ་བཞེངས།། མ་ལུས་འདུས་པ་དབྱིངས་གཅིག་ལ།། བྱེད་པ་མེད་པར་ཀུན་ཏུ་འཆར།། དངོས་པོ་མེད་པར་ཅིར་ཡང་སྣང་།། སྣ་ཚོགས་སྣང་བ་ཆོས་ཀྱི་དབྱིངས།། རང
54b4 བཞིན་སྙིང་པོ་མེད་པར་ཡིན།། རྒྱུན་ཆད་མེད་པའི་བྱང་ཆུབ་སེམས།། མཚན་ཉིད་མེད་དེ་ཕྱོགས་དང་བྲལ།། ཐམས་ཅད་རང་བཞིན་དཔེར་མེད་ཆོས།། དེ་ལ་གང་ཞིག་དེར་འཛིན་པ།། ཕྱོགས་སུ་བལྟ་བ་འཁྲུལ་པའི
54b5 སེམས།། ཡང་དག་དོན་ལ་སྨད་པའི་བློ།། འཛིན་པའི་ཞགས་པ་འཆིང་བའི་སྒྲོག། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། གླིང་གཞིའི་ལེའུ་སྟེ་དང་པོའོ།། །། དེ་ནས་ཡང་བཅོམ་ལྡན
54b6 འདས་ཀྱིས་གསུངས་པ། འཁོར་བའི་རྒྱ་མཚོ་ཆེན་པོ་འདི།། སྐེམ་པར་འདོད་པ་གང་ཞིག་གིས།། ཆོས་ཀྱི་སྙིང་པོ་རང་དུ་བལྟ།། ཕྱི་ནང་མ་ལུས་ཐམས་ཅད་ཀུན།། ཇི་བཞིན་ཉིད་དུ་སོན་པའི་ཕྱིར།། བདག་དང་གཞན
iiif viewer powered by OpenSeadragon
