| e-texts navigator |
| Wylie |
54a1 དང་འཇིག་རྟེན་ལས་འདས་པའི་འཁོར་དང་ཐབས་གཅིག་པ་དང་། ཉིད་དང་ཉིད་ཀྱི་རང་བཞིན་དབྱེར་མེད་པ་དང་། ཉིད་ཀྱི་ངོ་བོ་དང་རང་བཞིན་ལས་སྤྲུལ་པ་རྒྱུན་མི་འཆད་པར་འགྲོ་བའི་དོན་མཛད
54a2 པ་རྣམས་ལ་སེང་གེའི་ང་རོ་དོན་གྱི་གསུང་དབྱངས་ཀྱིས་བརྗོད་པར་བྱས་ཏེ། སེམས་ཉིད་ཀློང་ཆེན་རབ་འབྱམས་རྒྱལ་པོའི་དོན་འདི་རབ་ཏུ་བཤད་དོ།། ཇི་སྙེད་ཆོས་རྣམས་མིང་གི་རྣམ་གྲངས་ཀུན།། ཡེ་ནས་གདག
54a3 གཞི་མེད་པའི་ཀློང་དུ་གཅིག། ཀློང་ཆེན་གཅིག་ལ་འཁོར་དང་མྱ་ངན་འདས།། རྐྱེན་གྱིས་ཅིར་ཡང་འཆར་ཕྱིར་གློ་བུར་ཆོས།། ནམ་མཁའ་སྤྲིན་དང་འཇའ་ཚོན་མཁའ་སྣང་བཞིན།། རིག་པ་རང་ལ་འཆར་པས
54a4 དབྱིངས་ཀྱི་ངང་།། རང་རིག་སྒྲིབ་མེད་སྐྱོན་བྲལ་མུ་མཐའ་མེད།། རྟོག་པ་མི་མངའ་ཡེ་ཤེས་རིན་པོ་ཆེ།། རང་བཞིན་མེད་ལས་ཅིར་ཡང་སྣང་།། ཐམས་ཅད་བྱང་ཆུབ་སེམས་ཀྱི་ཀློང་།། བདེ་གཤེགས་རྒྱལ་བའི
54a5 དཀྱིལ་འཁོར་དང་།། མ་རིག་འཁྲུལ་པས་དབང་བསྐུར་བའི།། ལོག་རྟོག་ཆེར་རྒྱས་འཁོར་བའི་ཆོས།། ཇི་སྙེད་སྣང་བའི་ཆོས་རྣམས་ཀུན།། སངས་རྒྱས་ཉིད་དུ་གཅིག་པ་ལ།། ཡོད་མེད་གཉིས་སུ་རྟོག་པ
54a6 དང་།། བཟང་ངན་གཉིས་སུ་བལྟ་བས་ནོར།། མཉམ་ཉིད་གཅིག་ལ་མཐའ་རུ་འཛིན།། བདག་གཞན་རྐྱེན་གྱིས་སོ་སོར་སྣང་།། མེད་ལ་ཡོད་པའི་བློ་ཞུགས་པས།། ཞེན་པ་བརྟས་ཕྱིར་ལུས་སུ་སྣང་།། བདག་ཏུ་འཛིན
iiif viewer powered by OpenSeadragon
