| e-texts navigator |
| Wylie |
53b1 ཀྱི་མགུལ་ཁུག་མ།། སྣོད་དུ་མི་སྦ་རང་གི་ལུས་ལ་བཅངས།། ཡིད་ལ་དྲན་པ་ཙམ་གྱིས་འབྲས་བུ་མངོན་སངས་རྒྱས།། ཆུ་སྲིན་པིར་གྱི་གྲེ་བ་བཞིན་སྲིད་པ་འཁྲུགས་ཀྱང་ཁར་མི་དབྱུང་། བྱ་བཙལ་མེད་པ་གསང་བ
53b2 རིན་པོ་ཆེ་དབྱིག་གི་སྒྲོན་མ། སྐད་འགྱུར་བཞི་པ་རྫོགས་སོ།། གྲུ་གུ་སྨོན་ལམ་སེང་གེ་ནས་བརྒྱུད་པ། ཇོ་སྲས་སྦས་ཀྱི་ཐུགས་དམ་མོ།། ཁོང་ལ་མགོ་བན་ནོར་བུས་ཞུས་སོ།། བར་འདིར་སྤྱི་ཕུད་ལྟ་བ་ཀློང་ཆེན་ཡངས་པ་ལེའུ་ལྔ
53b3 བཅུ་རྩ་གསུམ་པ་མབྱུང་།། ། @#།། རྒྱ་གར་སྐད་དུ། མ་ཧཱ་ཨཱ་བརྡྷ་པྲ་སཱ་ར་ཎི་རཱ་ཛ་ཏནྟྲ་ནཱ་མ། བོད་སྐད་དུ།། ཀློང་ཆེན་རབ་འབྱམས་རྒྱལ་པོའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན
53b4 ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་ཉིད་ཀྱིས་བདག་ཉིད་ལ་ཐོས་པའི་དུས་གཅིག་ན། ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་དང་ཕྲིན
53b5 ལས་ཐམས་ཅད་དབྱེར་མེད་དེ། ཐིག་ལེ་གཅིག་ལས་མ་གཡོས་པའི་བདག་ཉིད་དུ་བཞུགས་པ་ལས། ཐམས་ཅད་མཉམ་པ་ཉིད་ཀྱི་ཀློང་དུ་གཅིག་ཀྱང་དེའི་དོན་མངོན་དུ་གྱུར་པར་གཏན་ལ་དབབ་པར་བྱ་བའི་ཕྱིར།།
53b6 འོག་མིན་གྱི་གནས་ཁམས་གསུམ་གྱི་གཞི་རྟེན་དང་དབྱེར་མེད་པའི་ཞིང་དེར། དབྱེར་མེད་རང་ལས་སྣང་བའི་འཁོར་དུས་གསུམ་གྱི་སངས་རྒྱས་དང་ཁམས་གསུམ་གྱི་སེམས་ཅན་ཐ་མི་དད་པ་དང་། འཇིག་རྟེན་པ
iiif viewer powered by OpenSeadragon
