| e-texts navigator |
| Wylie |
52b1 མེད་པར་ཡེ་ཤེས་ཀྱི་འོད་གསལ་བ། དགོངས་པ་ཉི་མ་ཤར་བ་ལྟ་བུའི་མན་ངག་གིས། འཇིག་རྟེན་པའི་མུན་པ་དག་པར་བྱེད་པས། ཡུལ་དག་ལ་ཆོས་ཀྱི་དབྱིངས་ཕོ་བྲང་མེ་ལོང་གཡའ་དག་པ་ལྟར་གསལ་བ། རང
52b2 རིག་པའི་ཆོས་ཀྱི་སྐུ་སངས་རྒྱས་ལྔའི་བདག་ཉིད་དུ་གསལ་བ། ཤེས་རབ་མར་མེ་རླུང་གིས་མ་བསྐྱོད་པ་ལྟར་གསལ་བ། བར་ན་ཡེ་ཤེས་ཀྱི་སྐུ་བདེ་བ་ཆེན་པོ་ནམ་མཁའི་འཇའ་ཚོན་ལྟར་མ་འདྲེས་ལ་ཡོངས་སུ
52b3 རྫོགས་པར་གསལ་བའོ།། གསང་བ་གསུམ་དང་ལྡན་གྱུར་ན།། སངས་རྒྱས་ཉིད་ཀྱི་དགོངས་པ་ཡིན། དགོངས་པ་མཐར་ཕྱིན་པའི་ལུང་བསྟན་པའོ།། བཛྲ་ཙིཏྟ་པྲ་ཏིཥྛ་ཛྙཱ་ན་ཨཱཿཧཱུཾ། བཅོམ་ལྡན་འདས་རྡོ་རྗེ་འཛིན་པ
52b4 ལ་ཕྱག་འཚལ་ལོ།། བཛྲ་པཱ་ཎི། དུར་ཁྲོད་ཆེན་པོ་ཤིན་ཏུ་རུ་ལུ་བ་ར་ཧ་སྟི་བྱ་བ་ན། མཁའ་འགྲོ་མ་གཙུག་གི་རྒྱན་གཅིག་བྱ་བ་ཡོད་ཀྱིས། དེར་སོང་ལ་ཕ་ལ་ཕྲ་པ་ར་ད་དུ་པྲ་ཤིག། ཡུལ་མ་ག་དྷའི་ཤར་ཕྱོགས་ན།
52b5 རིན་པོ་ཆེ་སྣ་ལྔའི་ཕ་བོང་འོག་ན། བསྟན་པ་ཐམས་ཅད་ཀྱི་སྙིང་པོ་གསང་བ་ནམ་མཁའི་རྒྱན་ཞེས་བྱ་བ་ཡོད་ཀྱིས། མཁའ་འགྲོ་མ་ལ་བསྐོར་བ་ལན་གསུམ་གྱིས་ལ། ལྗགས་ཀྱི་པདྨོ་ཡི་གེ་ལྔ་པའི་འཁོར་ལོ་སྟོན་ལ
52b6 ཞུས་ཤིག། དེ་ནས་ཡེ་ཤེས་ཀྱི་རྩལ་སྐར་མདའ་ནམ་མཁའ་ལ་བྱུང་བ་ལྟ་བུའི་མན་ངག་གིས། སྐད་ཅིག་མ་གསུམ་ལ་སྦུབས་གསུམ་གཅོད་པར་བྱེད་པ། བྱེད་པ་པོ་མེད་པར་མཐོང་བ་པོས་མཐོང་ནས་ཤེས་པ་པོས
iiif viewer powered by OpenSeadragon
