| e-texts navigator |
| Wylie |
4a1 ལྟར་ངོ་སྤྲོད་དགོངས་པ་བསྟན་པ་ནི།། ཆོས་ཅན་ཆོས་མེད་རང་གྲོལ་དགོངས་པ་ཤར།། དེ་ཕྱིར་དགོངས་པ་བརྒྱུད་པ་ཡིན།། རང་བྱུང་མེ་ལོང་ནང་ན་ཅི་སྣང་ལྟར།། རང་སྣང་རང་མདངས་འདི་ནི་ཅིར
4a2 ཡང་སྣང་།། རྒྱལ་བའི་ཐུགས་ཀྱི་གཏེར་སྒོ་ཕྱེ།། ཉག་གཅིག་དགོངས་པ་རང་གྲོལ་བསྟན་པ་ནི།། མུ་སྟེགས་འགྲོ་དྲུག་ཐེག་པ་དགུ།། རང་སྣང་རང་མོས་འདོད་གཞུང་ཐ་དད་ཀྱང་།། དོན་དུ་རྣམ་པ་མང་ཡང་ངེས་པར
4a3 གཅིག། གཅིག་པོ་མཐའ་གྲོལ་འུབ་ཆུབ་རྩེ་མོ་སྟེ།། བྱིས་པ་རྣམས་ཀྱིས་དེ་ལྟར་མི་ཤེས་སོ།། ཀྱེ་མ་ཧོ།། དེ་ལྟར་སྣང་ཡང་དེ་ལྟར་མི་སྲིད་ཀྱིས།། ཡང་དག་རང་གྲོལ་དགོངས་པ་འདི་ཡིན་ནོ།། ཐོག་མ་རང་བཞིན་ལྷུན
4a4 གྱིས་གྲུབ་པ་ལ།། སྣང་བ་རྒྱ་ཆད་ཕྱོགས་རིས་ཀྱི།། རིས་སུ་ཆད་པ་རྡུལ་ཙམ་མི་སྲིད་དོ།། བར་དུ་བྱིན་རླབས་འགྲིབ་པ་མེད་པ་ལ།། བསྒོམ་པར་བྱ་བ་རྡུལ་ཡང་མི་མཚོན་ནོ།། སྣང་བ་རེ་ལ་ཤེས་པས་ཕྱོགས་སུ
4a5 བཟུང་།། ཕྱོགས་རིས་དགོངས་པ་རང་གྲོལ་མ་ཤར་ན།། རང་སྣང་བསྒོམ་པ་མཐའ་ཡིས་བཅིངས་པ་ཡིན།། ལམ་དང་འབྲས་བུ་རང་གཞུང་གྲུབ་པའི་མཐའ།། མཐའ་གྲོལ་རང་བྱུང་ཤར་བ་ཤིན་ཏུ་དཀའ།། ཞེས
4a6 གསུངས་པ་དང་།། རྡོ་རྗེ་ཆོས་ཀྱི་བློ་གྲོས་ལ།། ཐུགས་ཅང་ཤེས་ཀྱི་ཀློང་ནས་སྤྲུལ་པའི་སྐུ་བྱུང་སྟེ།། ཆུ་དང་རླབས་དང་ཉི་མ་འོད་དང་ཟེར།། དེ་བཞིན་ལྦུ་བའི་རྣམ་པ་ལྟར།། བྱིན་རླབས་སྐད་ཅིག་མ་ལ་ཤར།། རང
iiif viewer powered by OpenSeadragon
