| e-texts navigator |
| Wylie |
48a1 ངག་གིས་སྐད་ཅིག་མ་གསུམ་ལ་གྲོལ་བ་མཐར་ཕྱིན་པར་བྱའོ།། སངས་རྒྱས་རྡོ་རྗེ་འཆང་ཆེན་པོས། མཁའ་འགྲོ་མ་ལྔའི་ལུང་བསྡུས་ནས་ལག་ན་རྡོ་རྗེ་ལ་གཏད་དོ།། མཇུག་དགའ་རབ་རྡོ་རྗེས་བསྡུས
48a2 ནས། འཇམ་དཔལ་བཤེས་གཉེན་ལ་གཏད་དེ་མགུལ་ཁུག་མའོ།། བྱང་ཆུབ་སེམས་ཀྱི་སྙིང་པོ་སེང་གེ་འཁྱིལ་པའི་སྒྲུབ་ཐབས་འདི་ལ། ངེས་པའི་བསྒྲུབ་ལུགས་ཀྱི་རྟགས་རྣམ་པ་བཞི་འབྱུང་བའི་དུས་སུ་བདུད་རྣམ་པ
48a3 བཞི་འཇུག་སྟེ། ཕྱི་མཚན་མ་ལ་བརྟེན་ཏེ་བསྒྲུབ་པ་ཞེས་འབྱུང་བ་དེ། བག་ཆགས་ཀྱི་སྐུ་ལུས་ལ་འཇུག་པའི་དུས་སུ། ཤེས་པ་དཔངས་མཐོན་གྱི་ཉམས་སྐྱེས། འཇའ་ཚོན་གྱི་གདན་བཏིང་། ཉི་ཟླའི་རྟ་ཞོན། ཕྱོགས
48a4 སྣང་བ་དག་པའི་ཡུལ་སྣང་སྟེ། ཤེས་བྱ་དེའི་དུས་སུ་ཕུང་པོའི་བདུད་འཇུག་སྟེ། ཡེ་ཤེས་ཀྱི་ལུས་ལ་བར་དུ་གཅོད་པའི་བདུད་ཞེས་བྱ་སྟེ། དེའི་དུས་སུ་བདག་ཏུ་རྟོག་པའི་ང་རྒྱལ། འཕགས་པ་ནམ་མཁའ་མཛོད་ཅེས
48a5 བྱ་བ་འབྱུང་ངོ་།། དེ་ཉིད་བདག་ཉིད་ཆེན་པོར་ཤེས་པར་བྱ་སྟེ། རྟགས་ཀྱི་ཡེ་ཤེས་ཚོན་གང་བ་དང་དོན་གྱི་ཡེ་ཤེས་ཚོན་གང་བ་ཞེས་འབྱུང་སྟེ།། དེ་ལ་མར་མེ་མཛད་ཆེན་པོའི་རྒྱས་ཐོབ་ཅིག། དེ་མཚོན་པར་བྱེད་པ
48a6 ལམ་རྣམ་པ་བཞི་ལ་གནས་པའི་དུས་སུ། ཤེས་པ་ཁོལ་བུའི་ཉམས་སྐྱེ། སྨུག་ཟིལ་ལྟ་བུ་དང་། ར་རོ་ལྟ་བུ་དང་ལུས་ཡོད་དུ་མི་ཚོར་བ་དང་། ལུས་ཡང་བ་དང་། ཕྱི་ནང་གི་སྲིན་བུ་མི་འབྱུང་བ་དང་། མ་ཟོས་པར
iiif viewer powered by OpenSeadragon
