| e-texts navigator |
| Wylie |
47a1 རྒྱ་གར་སྐད་དུ།། བཛྲ་གུ་ཧྱ་མ་ཧཱ་ཀཱ་ཡ་རཏྣ་ཧི་རཎཱ་ཝཱབྷཱུ་མ་ཧཱ་པྲཛྙཱ་སཱུ་ཏྲ། བོད་སྐད་དུ། རྡོ་རྗེ་གསང་བ་ཆེན་པོའི་སྒྲ་རིན་པོ་ཆེ་དབྱིག་གི་སྒྲོན་མ་ཤེས་རབ་ཆེན་པོའི་མདོ། རང་བྱུང་རིག་པའི་རྒྱལ་པོ་ལ
47a2 ཕྱག་འཚལ་ལོ།། འདས་པའི་དུས་མ་བྱོན་པའི་སྔོན་རོལ་དུ། སེམས་ཉིད་ཀུན་ཏུ་བཟང་པོ་ཡེ་ཤེས་ཀྱི་སྣང་བ་ལ་བཞུགས་པའི་དུས་ན། ཀུན་གཞི་གསང་བ་དག་པའི་དབྱིངས་ནས་རང་ཤེས་རིག་གི་རྒྱལ་པོ་རྡོ་རྗེ་ཀུན
47a3 ཏུ་བཟང་པོས། ཉིད་ལ་ཉིད་ཀྱིས་བཀའ་སྩལ་པ། བྱམས་པ་ཆེན་པོ་ཐུགས་ཀྱི་གཏེར་ལྔ་སྦས། ལས་ཀྱི་དབང་པོ་ལྔ་ལུང་བསྟན་ཏོ།། མན་ངག་གི་མཇུག་རྡོ་རྗེ་སེམས་དཔའ་ཉིད་ཀྱིས་བསྡུས་ཏེ་ལག་ན་རྡོ་རྗེ་ལ་གཏད
47a4 དོ།། རྡོ་རྗེ་སེམས་དཔས་སངས་རྒྱས་ཀྱི་སྐད་རང་འགྱུར་དུ་བཤད་པ། སེང་གེ་འཁྱིལ་པའི་དགོངས་པ་འདི་ལ། ཟབས་ཁྱད་པར་ཅན་གསུམ་གྱིས་བསྒྲུབ་པར་བསྟན་ཏེ། ཕྱི་མཚན་མ་ལ་བརྟེན་ནས་བསྒྲུབ་པ་དང་།
47a5 ནང་ཡེ་ཤེས་ཀྱི་དཀྱིལ་འཁོར་ལ་བརྟེན་ནས་བསྒྲུབ་པ་དང་། གསང་བ་བྱང་ཆུབ་སེམས་དངོས་སུ་བསྒྲུབ་པའོ།། ཕྱི་མཚན་མ་ལ་བརྟེན་པ་ལ་གཉིས་ཏེ། བག་ཆགས་ཀྱི་སྐུ་ལུས་ཡེ་ཤེས་ཀྱི་ལུས་ལ་འཇུག་པ་དང་།
47a6 ལམ་འབྲས་བུ་དང་བཅས་པ་ལ་འཇུག་པ་ལ་བསྒྲུབ་པ་དང་། སྒྱུ་ལུས་ཡེ་ཤེས་ཀྱི་ལུས་ལ་འཇུག་པ་ལ། ངོ་སྤྱོད་གཞི་ནས་ཆོས་ཉིད་བར་དོའི་ལུས་ད་ལྟ་དངོས་སུ་བསྟན་ཡང་། དེ་ཉིད་ལ་གོམས་པར་བྱ་སྟེ། ལམ་དང
iiif viewer powered by OpenSeadragon
