| e-texts navigator |
| Wylie |
46a1 ཆགས་ཞེ་སྡང་དང་།། ང་རྒྱལ་ཆུ་བཞི་རྟག་ཏུ་འབབ།། རྟོགས་པ་ཡེ་ཤེས་རྣམ་པ་བཞི།། རྒྱུན་མི་ཆད་པས་དབང་གི་ཆུ།། དེ་བཞིན་སྙིང་ལ་རིག་པའི་ཡེ་ཤེས་གནས།། ཆོས་ཉིད་རྩ་ན་རྨ་བྱ་འདྲ།། ཐབས
46a2 ཀྱི་རྩ་ནི་གླང་ཆེན་འདྲ།། ཡེ་ཤེས་རྩ་ནི་སེང་གེ་འདྲ།། སྐྱོན་ཡོན་རྩ་ནི་རྟ་མཆོག་འདྲ།། ཆོས་ཉིད་རྩ་ལ་འོད་ལྔ་རྒྱུ།། ཡེ་ཤེས་རྩ་ལ་འགྱུ་བ་རྒྱུ།། སྐྱོན་ཡོན་རྩ་ལ་ཉོན་མོངས་རྒྱུ།། གློ་བུར་རྩ་ལ་རྣམ་ཤེས་རྒྱུ།། རྩ་ནི་སྲོག
46a3 ཆགས་ཆེན་པོ་བཞི།། འགྱུ་བ་ལ་སོགས་ཆུ་བཞི་འབབ།། དབང་གི་ཆུ་བོ་ཆེན་པོ་བཞི།། རྒྱུན་ཆད་མེད་པའི་དབང་བསྐུར་བཞི།། ད་ནི་དབང་གི་ཡོན་ཏན་བསྟན་ཏེ།། ཨ་ནི་ཏི་སེའི་གངས་དང་འདྲ།། ཝ་དཔའ་དང་དུ
46a4 དང་ནི།། ཡི་གེ་བཞི་པོ་དབང་དངོས་ཡིན།། དོན་ནི་ཚིག་དབང་གསང་དབང་ཐབས།། ཤེས་རབ་བུམ་པའི་དབང་དང་ལྔ།། རྩ་དང་ཡི་གེ་དབང་གསུམ་པོ།། ཕྱི་ནང་གསང་བའི་དབང་བསྐུར་ཡིན།། རྟགས་དང་བརྡའ
46a5 དང་དོན་དང་གསུམ།། བསྐུར་ཐབས་དབང་རྫས་ཐིམ་ལུགས་གསུམ།། ལྷ་དང་ལུས་ལ་བསྐུར་བ་ནི།། ལུས་ཀྱི་ཞེན་པ་ལྡོག་པ་ཡིན།། ཡེ་ཤེས་ཆོས་ཀྱི་དབང་བསྐུར་བས།། ལྷ་ཡི་རང་རྒྱུད་ལྡོག་པ་ཡིན།། ཆོས་དབང
46a6 སེམས་ལ་བསྐུར་བ་ནི།། དུག་ལྔ་རང་སར་དག་པ་ཡིན།། དབང་གི་ཆུ་བཞི་བསྟན་པ་ནི།། བཙལ་མི་དགོས་པའི་ཡོན་ཏན་ཡོད།། དབང་ལྔ་དངོས་སུ་བསྟན་པ་ནི།། ངོ་སྤྱོད་ཁ་མི་འཁྱར་བའི་གཟེར།། དབང་ལྔ་ལམ
iiif viewer powered by OpenSeadragon
