| e-texts navigator |
| Wylie |
45b1 རང་གསལ་བཀའ་རྒྱུད་ཐིག་ལེ་ཡིན།། འགྱུ་བ་ཚད་ལ་ཕེབས་ཙམ་ན།། ཡེ་ཤེས་མཐིལ་དུ་ཕེབས་པ་ཡིན།། ཐིག་ལེ་ཚད་ལ་ཕེབས་ཙམ་ན།། ཆད་པའི་གོལ་ས་ཆོད་པ་ཡིན།། རྩ་རྒྱུད་ཚད་ལ་ཕེབས་ཙམ་ན།། རྟག
45b2 པའི་གོལ་ས་ཆོད་པ་ཡིན།། རླུང་རྒྱུད་ཚད་ལ་ཕེབས་ཙམ་ན།། མཐའ་བཞིའི་གོལ་ས་ཆོད་པ་ཡིན།། རྩ་ཡི་གདམས་ངག་བསྟན་ཙམ་ན།། ཆོས་སྐུའི་དགོངས་པ་ཤར་བ་ཡིན།། ཐིག་ལེའི་གདམས་པ་བསྟན་ཙམ
45b3 ན།། ལོངས་སྐུ་མངོན་དུ་བྱུང་བ་ཡིན།། རླུང་གི་གདམས་ངག་བསྟན་ཙམ་ན།། སྦྲུལ་སྐུ་ཁོང་ནས་ཤར་བ་ཡིན།། མཆོག་ནི་འདུ་འབྲལ་མེད་པ་ཡིན།། ཞེས་གསུངས་སོ།། དབང་རིན་པོ་ཆེ་འཁོར་ལོའི་རྒྱུད་ལས།། ཐིག
45b4 ལེའི་གདམས་པ་སྐུ་གསུམ་ངོ་སྤྱོད་ཀྱི་ལེའུ་སྟེ་བཅུ་གཅིག་པའོ།། །། དེ་ནས་ཡང་བཀའ་སྩལ་པ།། གསང་བའི་བདག་པོ་ཉོན་ཅིག། དབང་གི་ཆུ་བོ་བཞི་པོ་བསྟན་པར་བྱ།། དེ་ལ་བརྡའ་ཡི་ཆུ་བོ་ཆེན་པོ
45b5 བཞི།། གང་ག་པཀྵ་སི་ཏྲ་སིནྡྷུ་ཏེ།། གང་ག་གླང་པོའི་ཁ་ནས་འབབ།། སིནྡྷུརྨ་བྱའི་ཁ་ནས་འབབ།། སི་ཏཱ་སེང་གེའི་ཁ་ནས་འབབ།། པཀྵུ་རྟ་ཡི་ཁ་ནས་འབབ།། དེ་བཞི་ཏི་སེའི་གངས་ལ་གནས།། རྒྱུན་ཆད་མེད་པའི
45b6 བརྡའ་ཡི་དབང་།། རྟགས་ནི་ཀླད་པ་དུང་ཁང་ལ།། རྣ་བ་གླང་ཆེན་ཉལ་བ་འདྲ།། མིག་ནི་རྨ་བྱ་མེ་ཏོག་བཟའ་བ་འདྲ།། ཁ་ནི་སེང་གེ་གནམ་དུ་མཆོད་པ་འདྲ།། སྣ་ནི་རྟ་སྔོན་ཐུར་དུ་རྒྱུག་པ་འདྲ།། གཏི་མུག་འདོད
iiif viewer powered by OpenSeadragon
