| e-texts navigator |
| Wylie |
45a1 ཡིན།། གྲོལ་བ་ཚད་ལ་ཕེབས་ཙམ་ན།། ཐམས་ཅད་མཁྱེན་པ་ཐོབ་པ་ཡིན།། ཚད་མ་གཏན་ལ་ཕེབས་ཙམ་ན།། ཕྱིར་མི་ལྡོག་པའི་དགོངས་པ་འཆར།། ཞེས་གསུངས་སོ།། དབང་རིན་པོ་ཆེ་འཁོར་ལོའི
45a2 རྒྱུད་ལས།། རྩ་དང་ཚད་མའི་ལེའུ་སྟེ་བཅུ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་གསང་བའི་བདག་པོ་ཁྱོད།། ཐིག་ལེའི་གདམས་ངག་བསྟན་པ་ནི།། ཕྱི་ནང་གསང་བ་རྣམ་པ་གསུམ།། དེ་ཡང
45a3 ངོ་བོ་ངེས་ཚིག་དང་།། དབྱེ་བ་མཐུན་པའི་དཔེ་དང་བཞི།། ཐིག་ལེའི་ངོ་བོ་གསལ་བ་ཡིན།། ངེས་ཚིག་འགྱུར་མེད་བདེ་བ་ཡིན།། དབྱེ་བ་ཐུན་མོང་ཁྱད་པར་མཆོག། དཔེ་ནི་ཐིག་དང་འདྲ་བའོ།། ཐུན་མོང་ཐིག་ལེ
45a4 དབབ་པ་དང་།། གཟུང་བ་དང་ནི་བཟློག་པ་དང་།། དགྲམ་པ་དང་ནི་གཏོང་བའོ།། དངས་མ་གཟུང་དང་སྙིགས་མ་གཏན།། དེ་ལས་ཡེ་ཤེས་ངོས་འཛིན་པ།། ཐུན་མོང་ཐིག་ལེར་ཤེས་པར་བྱ།། ཁྱད་པར་ཐིག་ལེ་རྣམ
45a5 པ་གསུམ།། གཞི་ཡི་ཐིག་ལེ་ངོ་བོ་ཡིན།། རྒྱུ་ཡི་ཐིག་ལེ་འགྱུ་བ་གསལ།། ལམ་གྱི་ཐིག་ལེ་འོད་ལྔ་གསལ།། དེ་ནི་ཕྲ་ཟིག་ཟགས་ཐིག་ཡིན།། དངོས་པོ་གཞི་ལམ་འབྲས་བུ་གསུམ།། རིག་པ་འོད་གསལ་གཞི་ཡི་ཐིག
45a6 ལེ་ཡིན།། སྣང་བ་འོད་གསལ་ལམ་གྱི་ཐིག་ལེ་ཡིན།། ཡེ་ཤེས་འོད་གསལ་འབྲས་བུའི་ཐིག་ལེ་ཡིན།། ཞི་བ་འོད་གསལ་གནད་ཀྱི་ཐིག་ལེ་ཡིན།། འགྱུས་ཚད་རང་གསལ་གདམས་པའི་ཐིག་ལེ་ཡིན།། དབྱེར་མེད
iiif viewer powered by OpenSeadragon
