| e-texts navigator |
| Wylie |
44b1 པར་བྱ།། ཆོས་ཉིད་མ་བུ་སྤྲད་པ་ལ།། རྩ་རླུང་གཉིས་ཀྱི་གདམས་པ་དགོས།། ཚེ་ཟུངས་རྩ་གཅོད་ཤེས་པ་དགོས།། ཆོས་ཉིད་བར་དོའི་ངོ་སྤྱོད་གཅེས།། བར་དོ་ཚད་ལ་ཕེབས་ཙ་ན།། ཆོས་ཉིད་མ་བུ་འཕྲད་པ
44b2 ཡིན།། ཡེ་ཤེས་ཚད་ལ་ཕེབས་ཙམ་ན།། རྣམ་རྟོག་རང་སར་གྲོལ་བ་ཡིན།། ཐོས་པ་ཚད་ལ་ཕེབས་པ་ན།། སྒྲོ་འདོགས་ཐག་པ་ཆོད་པ་ཡིན།། འོད་གསལ་ཚད་ལ་ཕེབས་ཙམ་ན།། སངས་རྒྱས་ཞིང་ཁམས་ཤར་བ
44b3 ཡིན།། གཉིས་མེད་ཚད་ལ་ཕེབས་ཙམ་ན།། སངས་རྒྱས་ཡུལ་མེད་ཤར་བ་ཡིན།། རྣམ་རྟག་ཚད་ལ་ཕེབས་ཙམ་ན།། སྣང་བའི་ཞེན་པ་ལོག་པ་ཡིན། གདམས་པ་ཚད་ལ་ཕེབས་ཙམ་ན།། ཉམས་མྱོང་ཁོང་ནས་ཤར་བ
44b4 ཡིན།། བྱིན་རླབས་ཚད་ལ་ཕེབས་ཙམ་ན།། འཁོར་བའི་ཞེན་པ་ལོག་པ་ཡིན།། བཀའ་རྒྱུད་ཚད་ལ་ཕེབས་ཙམ་ན།། སངས་རྒྱས་དགོངས་པ་ཤར་བ་ཡིན།། ཐུགས་རྒྱུད་ཚད་ལ་ཕེབས་ཙམ་ན།། སྐྱེ་རྒྱུན་ཟག་པ་ཆོད
44b5 པ་ཡིན།། སྙན་རྒྱུད་ཚད་ལ་ཕེབས་ཙམ་ན།། ཡེ་ཤེས་ཁོང་ནས་ཤར་བ་ཡིན།། ཡེ་ཤེས་ཡེ་ཤེས་ཁྱད་པར་ཆེ།། རྒྱུན་ཆད་མེད་ན་ཡེ་ཤེས་ཡིན།། སྣང་བ་ཚད་ལ་ཕེབས་ཙམ་ན།། མཁའ་འགྲོ་དབང་དུ་འདུས་པ
44b6 ཡིན།། གོ་བ་ཚད་ལ་ཕེབས་ཙམ་ན།། རིག་འཛིན་དབང་དུ་འདུས་པ་ཡིན།། རྟོགས་པ་ཚད་ལ་ཕེབས་ཙམ་ན།། སངས་རྒྱས་རང་ལ་རྙེད་པ་ཡིན།། ཤར་བ་ཚད་ལ་ཕེབས་ཙམ་ན།། མཚན་མ་རང་སར་གྲོལ་བ
iiif viewer powered by OpenSeadragon
