| e-texts navigator |
| Wylie |
43b1 རླུང་རྒྱུ་བས།། ཐོགས་པ་མེད་པའི་ཡེ་ཤེས་རླུང་།། མགྲིན་པ་ཡེ་ཤེས་རླུང་རྒྱུ་བས།། རྟོག་པ་འགག་པ་མེད་པའི་རླུང་།། ཁ་སྣ་དབུགས་ཆེན་རླུང་རྒྱུ་སྟེ།། འགྲོ་བ་འོང་པ་གནས་པ་རྒྱུ།། གློ་སྒང་དབུགས་ཆེན་རླུང་རྒྱུ
43b2 བ།། སྐྱེ་བ་གཅོད་པ་གནས་པ་རུ།། སྙིང་ནས་འགྱུ་བ་འགག་མེད་རླུང་།། འཆར་བ་འདུག་པ་གནས་པ་རྒྱུ།། དེ་ནས་གསང་ལམ་འོད་ལྔའི་རླུང་།། རྟོག་མེད་ཤེས་པའི་རླུང་རྒྱུའོ།། མཛོད་སྤུ་འགྱུ་བའི་དཀར་དམར
43b3 རླུང་།། ལྐོག་ཏུ་འགྱུ་བའི་རླུང་རྒྱུའོ།། མིག་ལ་ཡེ་ཤེས་ཟང་ཐལ་རླུང་།། འགག་མེད་ཡེ་ཤེས་མངོན་གྱུར་རྒྱུ།། རྣ་བ་ཆོས་ཉིད་རླུང་རྒྱུའོ།། སྙིང་ག་ཤེས་རབ་རླུང་རྒྱུའོ།། སྨད་ན་འཁོར་བའི་རླུང་རྒྱུའོ།། རོ་སྟོད་མྱ་ངན
43b4 འདས་པའི་རླུང་།། བར་ན་འཁོར་འདས་རུ་གཅོད་རླུང་།། འགག་པ་མེད་པར་རྒྱུ་བ་ཡིན།། ཞེས་གསུངས་སོ།། དབང་རིན་པོ་ཆེ་འཁོར་ལོའི་རྒྱུད་ལས།། རླུང་དང་དཔའ་བོ་དབང་གི་ལེའུ་སྟེ་དགུ་པའོ།། །། དེ
43b5 ནས་བཀའ་སྩལ་པ།། གསང་བའི་བདག་པོ་ཁྱོད་ཉོན་ཅིག། རྩ་ཡི་མདོར་བསྡུས་ངོ་སྤྲོད་བསྟན་པར་བྱ།། དེ་ལ་རྩ་ཡི་ངོ་བོ་སྟོང་པ་ཡིན།། ངེས་པའི་ཚིག་ནི་གནས་པའོ།། མཚན་ཉིད་གཉིས་སུ་མེད་པའོ།། དབྱེ་བ་རྣམ
43b6 པ་གསུམ་ཡིན་ཏེ།། དཔེ་ནི་དྲ་བའི་ཚུལ་བཞིན་ནོ།། ཐུན་མོང་ཁྱད་པར་མཆོག་དང་གསུམ།། ཐུན་མོང་འཁོར་ལོ་བཞི་ལ་གནས།། དེ་ཡང་བསྡུ་ན་གསུམ་དུ་འདུས།། རྐྱང་མ་རོ་མ་ཀུན་འདར་མ།། ཁྱད་པར་རྩ་ལ
iiif viewer powered by OpenSeadragon
