| e-texts navigator |
| Wylie |
43a1 རྣམས་ཀྱིས་འཇུག་མི་ནུས།། དེ་བཞིན་ཡེ་ཤེས་དབང་ཐོབ་ན།། དུག་ལྔ་སྣ་ཚོགས་རང་དབང་འདུས།། འགྱུ་བ་བཙལ་བས་མི་རྙེད་དེ།། བཙལ་བས་ཡེ་ཤེས་གྲོགས་སུ་ཤར།། དུག་ལྔའི་མཚན་མ་རང
43a2 སར་གྲོལ།། འགྱུ་བ་བྱ་བ་མིང་ཡང་མེད།། སྣང་སྲིད་ཐིག་ལེའི་ཀློང་དུ་གྲོལ།། དུག་ལྔ་སྐྱེ་ས་མིང་ཡང་མེད།། ཕྱི་ནང་མེད་པར་རང་སྣང་བས།། ཉམས་སུ་མྱོང་དགུའི་ཡུལ་མི་རྙེད།། ཐམས་ཅད་ཐིག་ལེའི་ངང་དུ
43a3 གྲོལ།། ཐ་སྙད་ཚིག་ཚོགས་ཡུལ་ན་མེད།། དཔེ་ལས་འདས་པའི་ཡེ་ཤེས་ཡིན།། རྣམ་རྟོག་ཡེ་ཤེས་འཆར་བ་ལ།། རླུང་གི་གདམས་པའི་དབང་པོ་དགོས།། རླུང་གི་ངོ་བོ་གཡོ་བའོ།། ངེས་པའི་ཚིག་ནི་འདེགས་བསྐྱོད
43a4 དོ།། དབྱེ་བ་གཞི་ལམ་འབྲས་བུའོ།། འབྲས་བུ་རྣམ་པ་གཉིས་ཡིན་ཏེ།། མ་རིག་རླུང་དང་ཡེ་ཤེས་རླུང་།། མ་རིག་འགྲུ་བའི་རླུང་ཆེན་དེ།། མི་འགག་བསྐྱོད་པས་འགྲུ་བའི་རླུང་།། དུག་ལྔ་ཁོང་ཁྲོའི་རླུང་རྒྱུ་བས།། གློ
43a5 སྒང་གཉིས་ལ་དབུགས་ཅན་རྒྱུ།། དབུགས་རྒྱུ་མ་རིག་ཐུགས་ཀ་ལ།། འགྱུས་པ་རྣམ་རྟོག་མ་རིག་རླུང་།། ཉོན་མོང་བརྒྱད་ཁྲི་བཞི་སྟོང་རྒྱུ།། སྲོག་རྩ་དབུགས་མེད་རླུང་རྒྱུ་བ།། ཁུག་པ་འཁོར་བའི་རླུང་རྒྱུའོ།། མཛོད
43a6 སྤུ་ཡེ་ཤེས་རླུང་རྒྱུ་བ།། འདས་པ་ལྔ་ཡི་རླུང་རྒྱུའོ།། སྙིང་ནས་ཡེ་ཤེས་རླུང་རྒྱུ་བ།། ཟང་ཐལ་འགག་པ་མེད་པའི་རླུང་།། སྙིང་མཚམས་ཤེས་རབ་རླུང་རྒྱུ་བ།། ཤེས་བྱ་འགག་པ་མེད་པའི་རླུང་།། གློ་མཚམས་ཡེ་ཤེས
iiif viewer powered by OpenSeadragon
