| e-texts navigator |
| Wylie |
41a1 ཁྱབ་ཀྱང་།། བཙུན་མོ་དེ་ལ་འཇུག་མི་ནུས།། རྒྱལ་པོའི་བཀའ་རྟགས་ཕྱག་རྒྱའི་དབང་ཞེས་བྱ།། དེ་བཞིན་བླ་མ་དམ་པ་ཡིས།། རིག་པའི་ཡེ་ཤེས་ངོ་སྤྲད་ན།། སྣང་བ་རྣམ་པ་སྣ་ཚོགས་ཀྱིས།། གནོད
41a2 པ་འབྱུང་བར་མི་འགྱུར་རོ།། ཉོན་མོངས་བརྒྱད་ཁྲི་བཞི་སྟོང་ཡང་།། ཕྱག་རྒྱའི་དབང་ལ་འདའ་མི་ནུས།། མི་འདའ་ཡེ་ཤེས་ཐུགས་ཀྱི་རྒྱ།། གཉིས་མེད་ཡེ་ཤེས་གསུང་གི་རྒྱ།། མི་བསྐྱོད་པ་ནི་སྐུ་ཡི་རྒྱ།། མི་འདའ་བས
41a3 ན་ཡུལ་གྱི་རྒྱ།། རྒྱ་བཞི་གནད་ཀྱིས་ཐེབས་ཙན།། རྒྱལ་པོའི་བཀའ་རྟགས་ཕྱག་རྒྱ་བཞིན།། སུས་ཀྱང་འདའ་བར་མི་ནུས་སོ།། གདམས་པ་བཀའ་ཡི་གཟེར་དང་རྒྱ།། རྣལ་འབྱོར་སྣོད་དང་ལྡན་ལ་གདབ།། རིག་པ
41a4 ཡེ་ཤེས་ལྷ་ཡི་གཟེར་དང་རྒྱ།། ལྷ་སྲིན་སྡེ་བརྒྱད་སྲོག་ལ་གདབ།། ཕུང་བྱེད་སྡེ་བརྒྱད་སྲོག་རྩ་བཅད།། བྱིན་རྒྱུད་ཉམས་མྱོངས་ཡེ་ཤེས་གཟེར་དང་རྒྱ།། མཁའ་འགྲོ་རྣམས་ཀྱི་སྲོག་ལ་གདབ།། མཁའ་འགྲོའི་སྲོག་རྩ
41a5 མཆོད་ན།། ཡ་མ་དམ་སྲི་གདོན་དུ་ཆེ།། ཐུགས་རྒྱུད་གདམས་པ་གནད་ཀྱི་གཟེར་དང་རྒྱ།། འཁོར་བ་རྣམ་བཞིའི་སྲོག་ལ་གདབ།། འཁོར་བའི་སྲོག་རྩ་མཆོད་ན།། འགྲོ་དྲུག་འཁྲུལ་པ་གཡང་ས་ཆེ།། སྙན་རྒྱུད་དོ།
41a6 སྤྲོད་གནད་ཀྱི་གཟེར་དང་རྒྱ།། ཚོགས་ཀྱི་འཁོར་ལོ་དབང་བསྐུར་དུས་སུ་གདབ།། བླ་མའི་གདམས་པ་མཆོད་ན།། ཐེག་པའི་སྲོག་ལ་ཐུག་པ་མེད།། དཔེ་རྒྱུད་གདམས་པ་གགས་དང་ཐེམ་གྱི་རྒྱ།། མཚོན་པར་བྱེད་པ
iiif viewer powered by OpenSeadragon
