| e-texts navigator |
| Wylie |
40b1 འཚོལ།། འབྲས་བུ་འཁོར་བར་ཉམ་ཟག་པས།། འགྲོ་དྲུག་འཁྲུལ་པར་སྤྱོད་པ་ལ།། བླ་མའི་གསང་དབང་སྐད་ཅིག་གིས།། འཁོར་བའི་སྡུག་བསྔལ་གྲོལ་བར་བྱེད།། རང་སྣང་ཐིག་ལེ་ཉམས་ཀྱི་གཟེར།། འགྱུར་བ
40b2 མེད་པའི་དགོས་པ་ཡོད།། རྟོགས་པ་ཡེ་ཤེས་ཀུན་གྱི་གཟེར།། འཕེལ་འགྲིབ་མེད་པའི་དགོངས་པ་ཡོད།། བྱིང་རྨུགས་མེད་པ་ཡེ་ཤེས་གཟེར།། བསྒོམ་མི་དགོས་པའི་དགོས་པ་ཡོད།། གཉིས་མེད་ཡེ་ཤེས་རང་བྱུང
40b3 གཟེར།། སྤྱད་མི་དགོས་པའི་དགོས་པ་ཡོད།། སྣང་སྲིད་གཞིར་བཞེངས་རང་གྲོལ་གཟེར།། འབྲས་བུ་ཐོབ་མེད་དགོས་པ་ཡོད།། ཚོགས་དྲུག་ལྷུག་པ་གདམས་པའི་གཟེར།། དགག་ཏུ་མེད་པའི་དགོས་པ་ཡོད།། འགྱུ
40b4 བ་ལྟ་སྟངས་གནད་ཀྱི་གཟེར།། འདྲེ་རྐུན་ངོས་འཛིན་དགོས་པ་ཡོད།། འགྱུ་བ་ཟང་ཐལ་གདམས་པའི་གཟེར།། ཉམས་ཀྱིས་མི་འཆིངས་དགོས་པ་ཡོད།། ལྷན་སྐྱེས་རྩ་རླུང་ཐིག་ལེའི་གཟེར།། བཙལ་མི་དགོས་པའི
40b5 དགོས་པ་ཡོད།། ཆོས་ལ་འདས་པའི་ངོ་སྤྲོད་གཟེར།། ཁ་མི་འཕྱར་བའི་དགོས་པ་ཡོད།། ཅེས་གསུངས་སོ།། དབང་རིན་པོ་ཆེ་འཁོར་ལོའི་རྒྱུད་ལས།། དབུལ་མོ་གཏེར་གྱི་དབང་གི་ལེའུ་སྟེ་དྲུག་པའོ།། །། དེ
40b6 ནས་ཡང་ངག་བཤད་བྱ་བ།། གསང་བའི་བདག་པོ་ཁྱོད་ཉོན་ཅིག། རྒྱལ་པོ་བཀའ་རྟགས་དབང་བསྟན་པ།། རྒྱལ་པོས་བཙུན་མོ་བླངས་ནས་ནི།། དབང་བསྐུར་ཁྲུས་སོགས་བྱས་ཙམ་ན།། སྐྱེས་པ་བསམ་གྱིས་མི
iiif viewer powered by OpenSeadragon
