| e-texts navigator |
| Wylie |
40a1 སྤྲོད་ཡིན།། རྒྱུད་དྲུག་ཆགས་སྡང་གྲོལ་བ་དགོས་པ་ཡིན།། སངས་རྒྱས་དགོངས་པ་གང་ཤར་འབྲས་བུ་ཡིན།། གསང་བའི་དབང་མཆོག་ཐོབ་པ་ལ།། འགྱུ་བ་དངས་སངས་དབང་པོ་དགོས།། ཡེ་ཤེས
40a2 ཟང་ཐལ་ཤར་བ་ཡིད་ཆེས་ཡིན།། འགྱུ་བ་རང་སར་གྲོལ་བས་ངོ་སྤྲོད་ཡིན།། མ་རིག་རྩད་ནས་ཆོད་པས་དགོས་པ་ཡིན།། འདས་པ་ལྔ་རུ་ཤར་བས་འབྲས་བུ་ཡིན།། དབང་མཆོག་རང་གྲོལ་ཐོབ་པ་ལ།། ཐིག་ལེ
40a3 ཉག་གཅིག་དབང་པོ་དགོས།། ཐིག་ལེ་རང་སྣང་ཡིད་ཆེས་ཡིན།། ཆོས་མེད་རང་གྲོལ་ངོ་སྤྲོད་ཡིན།། རྩོལ་མེད་ཉག་གཅིག་ཡོན་ཏན་ཡིན།། ཆོས་ལས་འདས་པས་འབྲས་བུའི་མཆོག། རྒྱ་བཞི་དྲིས་ཟག་བཅད་པ
40a4 ཡིན།། ཞེས་གསུངས་སོ།། དབང་རིན་པོ་ཆེ་འཁོར་ལོའི་རྒྱུད་ལས། མཚན་མ་ཟིལ་གྱིས་གནོན་པའི་དབང་གི་ལེའུ་སྟེ་ལྔ་པའོ།། །། དེ་ནས་ཡང་བཀའ་སྩལ་པ།། གསང་བའི་བདག་པོ་ཁྱོད་ཉོན
40a5 ཅིག། དབུལ་མོ་ནོར་གྱི་དབང་བསྐུར་བསྟན་པ་ནི།། དབུལ་མོ་བདེ་བ་སྐྱོང་པ་ཡིས།། གསེར་གྱིས་སྐྱེད་པུ་ཕུག་ཏུ་བཅུག། མོ་རང་ཁ་ཟས་མི་ལ་ཚོལ།། ཤིན་ཏུ་དབུལ་ཞིང་ཉམ་ཐག་ནས།། གྲོང་ཁྱེར་ཀུན་ཏུ་ཉལ་པ
40a6 ལས།། ནང་མ་གཅིག་ལ་སྐྱེད་པུ་དེ།། ངོ་ཤེས་པ་ཡིས་དབུལ་བ་སེལ།། དེ་བཞིན་འགྲོ་དྲུག་འཁྱམས་པ་ཡི།། མ་རིག་རྒན་མོ་ལོང་མ་དེས།། རིག་པའི་ཡེ་ཤེས་ངོ་མ་ཤེས།། ཆོས་སྤྱོད་སྤྱོད་ཅིང་མཐོ་རིས
iiif viewer powered by OpenSeadragon
