| e-texts navigator |
| Wylie |
3b1 རྒྱ་གར་སྐད་དུ། བྷུ་ཏ་སརྦ་ཌ་མ་ར་ན་མ་ཏནྟ། བོད་སྐད་དུ། འབྱུང་པོ་ཀུན་འདུལ་ཞེས་བྱ་བའི་རྒྱུད། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན
3b2 ཀུན་ཏུ་རྟག་པ་མི་འགྱུར་བའི་སྐུ། བདེ་བ་ཆེན་པོའི་གནས་བརྡལ་བ་ན་བཞུགས་སོ།། དེའི་ཚེ་བྱང་ཆུབ་སེམས་དཔའ་རྡོ་རྗེ་ཆོས་ཀྱི་བློ་གྲོས་ཀྱིས། ཀུན་ཏུ་བཟང་པོ་ལ་བྱིན་རླབས་ཞུས་སོ།། དེའི་ཚེ་དེའི་དུས་ན་ཀུན་ཏུ
3b3 བཟང་པོས་ལུང་བསྟན་པ། རྒྱུད་ཉི་ཤུ་རྩ་ལྔ་ལ། མན་ངག་སུམ་བརྒྱ་དྲུག་ཅུ་དང་། ཕྱི་ནང་གསང་བའི་ངོ་སྤྲད་དང་། མན་ངག་གསེར་གྱི་ཡང་ཞུན་དང་། དགོངས་པ་ཟམ་མ་ཆད་པའི་བྱིན་རླབས་སྐོར་དུ་བསྟན
3b4 པའི།། བྱིན་རླབས་ཐུགས་རྗེའི་ཆོས་རྣམས་ལ།། བསྟན་པའི་ཡང་རྩེ་མན་ངག་ཀུན་གྱི་བཅུད།། ཐེག་པའི་ཡང་རྩེ་སྤྱི་དོན་དགོངས་པའི་རྒྱུད།། མན་ངག་ལྡེ་མིག་འཕྲུལ་གྱི་སྒྲོམ་བུ་འབྱེད།། རིག་པའི་ཚད་ལ་འཇལ
3b5 བྱེད་སྤུ་གྲི་འདི།། རིག་འཛིན་རྒྱལ་པོ་རྡོ་རྗེ་ཆོས་ཀྱི་བློ་གྲོས་ལ།། བྱིན་རླབས་རྒྱལ་པོ་བསྟན་པའི་རྟེན་དུ་བཞག། ཚེགས་ཆུང་དོན་ཆེ་མན་ངག་ཟབ།། རྒྱ་ཆེ་རབ་ཟབ་དགོངས་པ་བརྒྱུད་པ་ལ།། ཆོས་ཀྱི་བློ་གྲོས་ཐུགས
3b6 ལ་བྱིན་རླབ་ཤར།། སྣང་སྲིད་འཁོར་འདས་ཕྱི་ནང་མེད་པར་གསལ།། མེ་ལོང་བལྟས་པས་རང་སྣང་གསལ་བ་ལྟར།། འགྲོ་དྲུག་རང་སྣང་སྐུ་དང་ཡེ་ཤེས་དང་།། ཐིག་ལེ་ཉག་གཅིག་མེ་ལོང་ནང་ལྟར་གསལ།། དེ
iiif viewer powered by OpenSeadragon
