| e-texts navigator |
| Wylie |
3a1 ཡིན།། འདོད་ཆགས་ཞེ་སྡང་གཏི་མུག་ནི།། དེ་ནི་ཐིག་ལེ་ཉག་གཅིག་བརྡའ།། དུག་ལྔ་ཡེ་ཤེས་ལྔ་ཡི་བརྡའ།། འགྲོ་དྲུག་རང་བྱུང་ཡེ་ཤེས་བརྡའ།། གཟུང་འཛིན་རིག་པ་ཡེ་ཤེས་བརྡའ།། དེ་ནི་གསང
3a2 བའི་བརྡའ་བཞི་ཡིན།། སྒྲ་ཡི་དོན་ནི་འདི་ལྟ་སྟེ།། ཡེ་ཤེས་སྒྲ་ལས་ཡི་གེ་ཧ།། དབྱིངས་ཀྱི་སྒྲ་ལས་ཡི་གེ་མ།། རོལ་པའི་སྒྲ་ལས་ཡི་གེ་འ།། དེ་ནི་སྒྲ་ཡི་ཆོས་ཉིད་དོ།། དོན་འདི་རྟོགས་པའི་རྣལ་འབྱོར་ལ།། རབ་དང
3a3 འབྲིང་དང་ཐ་མ་བསྟན།། དབང་པོ་ཡང་རབ་རོལ་པ་ལ།། སངས་རྒྱས་ཆོས་དང་མྱ་ངན་འདས།། དངོས་པོའི་ཆོས་དང་གནས་ལུགས་ཏེ།། བར་དོ་མེད་པར་རང་གྲོལ་ལོ།། འབྲིང་དང་ཐ་མའི་ཆོས་ཉིད་ནི།། ད་ལྟ་ངོ
3a4 སྤྲོད་པར་དོར་སངས་རྒྱས་ཏེ།། རྫོགས་ཆེན་ལམ་པའི་ཆོས་ཉིད་དོ།། སེམས་ཅན་འཁོར་བ་བློ་ཡི་སྣང་ལུགས་ཏེ།། འབྲིང་དང་ཐ་མ་བར་དོར་གྲོལ།། ཞེས་འབྱུང་ངོ་།། ཡང་ཏི་རང་གྲོལ་དུ་བཤད་པའོ།། བརྡའ་འགྱུར
3a5 སྒྲ་འགྱུར་དོན་འགྱུར་དུ་བསྟན་པའོ།། ཚིག་གསུམ་བརྒྱད་པས་སངས་རྒྱས་ཀྱི་ཆོས་བརྒྱད་པ་བར་མ་ཆད་པ་རྫོགས་སོ།། །
iiif viewer powered by OpenSeadragon
