| e-texts navigator |
| Wylie |
39b1 འགག་པ་མེད་པ་དེ།། དེ་ནི་ཤེས་རབ་དབང་ཡིན་ཏེ།། ཤེས་རབ་དབང་ཆེན་བསྐུར་བ་ཡིས།། མ་རིག་མུན་པ་རང་སར་གྲོལ།། ཡེ་ཤེས་ཁྱབ་གདལ་ཆེན་པོ་ཡིན།། ཐུགས་རྗེ་འགག་མེད་ཤེས་རབ་དབང་།། ཕྱོགས
39b2 མེད་ཡེ་ཤེས་ཟང་ཟལ་ཤར།། ཆོས་མིན་ཡེ་ཤེས་ཉིད་དུ་ཤར།། མ་རིག་ཡེ་ཤེས་ཉིད་དུ་ཤར།། ཕྱི་ཡི་ཤེས་རབ་གདམས་པའི་དབང་།། མཚན་མ་ཟིལ་གནོན་ཐབས་ཀྱི་དབང་།། ནང་གི་ཤེས་རབ་རྟོག་ཆོད
39b3 དབང་།། སྣང་བ་ལམ་དུ་སློང་བའི་དབང་།། གསང་བ་ཤེས་རབ་འགྱུ་བའི་དབང་།། ཡེ་ཤེས་ལམ་དུ་སློང་བའི་དབང་།། ཕྱི་ཡི་དབང་མཆོག་མ་ཐོབ་ན།། སྣང་བའི་རྒྱལ་འཆིང་སྟེ་འཆི།། ནང་གི་དབང་མཆོག་མ་ཐོབ
39b4 ན།། ཆགས་སྡང་རྒྱ་ལ་འཆིང་སྟེ་འཆི།། གསང་བའི་དབང་མཆོག་མ་ཐོབ་ན།། ཉམས་མྱོང་རྒྱ་ལ་འཆིང་སྟེ་འཆི།། དབང་མཆོག་རང་གྲོལ་མ་བསྐུར་ན།། གདམས་པའི་རྒྱ་ལ་འཆིང་སྟེ་འཆི།། ཕྱི་ཡི་དབང་མཆོག་ཐོབ
39b5 པ་ལ།། རང་དབང་འོད་གསལ་དབང་པོ་དགོས།། མཁའ་འགྲོ་དབང་དུ་འདུས་པ་ཡིད་ཆེས་ཡིན།། སྣང་བ་ཟང་ཐལ་འཆར་བ་ངོ་སྤྲོད་ཡིན།། འགྲོ་དྲུག་གཡང་ས་ཆོད་པ་སྒོམ་ཆེན་ཡིན།། རིག་པའི་ལམ་སྣ་ཟིན་པ
39b6 ཡོན་ཏན་ཡིན།། སངས་རྒྱས་རང་སྣང་ཤར་བ་འབྲས་བུ་ཡིན།། ནང་གི་དབང་མཆོག་ཐོབ་པ་ལ།། ཆགས་སྡང་རང་གྲོལ་དབང་པོ་དགོས།། རིག་པ་རང་དབང་ཐོབ་པ་ཡིད་ཆེས་ཡིན།། དུག་ལྔ་ཟང་ཐལ་ཤར་བ་འོ།
iiif viewer powered by OpenSeadragon
