| e-texts navigator |
| Wylie |
39a1 འོད་གསལ་གནད་ཀྱི་དམ་པ་ཡིན།། རིག་པའི་རང་སྒོ་མ་ཤེས་མ་རིག་བདུད།། རང་སྒོར་རང་སྣང་ཤེས་པས་རྩི།། དུག་ལྔ་ཁོང་ཁྲོ་བདུད་ལྟར་འབྱུང་།། རང་བྱུང་ཡེ་ཤེས་ཤར་བས་རྩི།། རྣམ་རྟོག
39a2 ཁོར་བ་མ་རིག་བདུད།། རང་རིག་ཡེ་ཤེས་རང་ཤར་རྩི།། སྡེ་བརྒྱད་བསྡོངས་པས་ནད་དང་བདུད།། རང་རིག་ཡེ་ཤེས་ལྷ་ཡི་ལྷ།། ལྷག་པའི་ལྷ་ནི་བླ་མའི་རྩི།། ཆགས་སྡང་གཟུགས་ཀྱི་ཕུང་པོ་དང་།། བར་ཆད་བྱེད
39a3 པའི་བགེགས་ནི་བདུད།། འགྱུར་མེད་རིག་པ་བཟློག་པས་རྩི།། རླུང་མཁྲིས་བད་ཀན་འདུས་པས་བདུད།། འགྱུ་བ་ཟང་ཐལ་ཤེས་པས་རྩི།། འབྱུང་བ་རྣམ་ལྔ་བདུད་དུ་ཤར།། བླ་མའི་ཐབས་མི་འགག་པས་རྩི།། སྣང
39a4 བ་དཀར་དམར་བདུད་དུ་ཤར།། བལྟས་པས་ཟང་ཐལ་རྩི་ཡིན་ནོ།། དེས་ན་རིག་པ་རང་རྩལ་དབང་།། ཞེས་གསུངས་སོ།། དབང་ཡེ་ཤེས་འཁོར་ལོའི་རྒྱུད་ལས།། རིག་པ་རྩལ་གྱི་ལེའུ་སྟེ་བཞི་པའོ།། །། དེ
39a5 ནས་བཀའ་སྩལ་པ།། གསང་བའི་བདག་པོ་ཉོན་ཅིག། མཚན་མ་ཟིལ་གནོན་དབང་བསྟན་པ།། དཔེར་ན་ཉི་མ་ཤར་བ་ཡིས།། མུན་པའི་སྨག་རུམ་རང་སར་གྲོལ།། ཉི་མའི་སྙིང་པོ་མཁའ་ལ་ཤར།། ཐུགས་རྗེའི་འོད
39a6 ཀྱིས་ཀུན་ལ་གད་ལ།། ཕྱོགས་མེད་རྒྱུ་ཞིང་རིས་མི་མངའ།། ཉི་མའི་འོད་ཟེར་ཁྱབ་གད་ལ་དེས།། མུན་པ་སྐད་ཅིག་མ་ལ་སེལ།། དེ་བཞིན་ཡེ་ཤེས་ཐིག་ལེའི་དབང་།། ཤེས་རབ་སྐད་ཅིག་གཅིག་གིས་ཐོབ།། ཤེས་བྱ
iiif viewer powered by OpenSeadragon
