| e-texts navigator |
| Wylie |
38b1 ཤེས་ཟང་ཐལ་ཡིན།། དུང་ནི་དྲི་མ་མེད་པ་ཡིན།། ཐོར་ཚུགས་གོང་ན་མེད་པ་ཡིན།། དེ་ནི་ཅིར་ཡང་སྤྲུལ་པས་ན།། སྦྲུལ་སྐུ་ཐུག་ཕྲད་དབང་ཞེས་བཤད།། ཅེས་གསུངས་སོ།། དབང་རིན་པོ་ཆེའི་རྒྱུད་ལས། སྤྲུལ
38b2 སྐུ་ཟུག་ཕྲད་ལྷ་སྲིན་སྡེ་བརྒྱད་དབང་ཕྱུག་ཆེན་པོའི་དབང་དུ་བསྡུས་ཏེ་བསྟན་པའི་ལེའུ་སྟེ་གསུམ་པའོ།། །། དེ་ནས་ཡང་བཀའ་སྩལ་པ། གསང་བའི་བདག་པོ་ཉོན་ཅིག། རིག་པ་རྩལ་གྱི་དབང་བསྐུར་བསྟན་པ
38b3 ནི།། དཔེར་ན་རུས་སྦལ་རྩལ་དང་ལྡན་པ་ལ།། འཁར་གཞོང་ནང་དུ་བཅུག་གྱུར་ན།། འཁར་གཞོང་རང་བཞིན་འཇམ་པ་དང་།། རུས་སྦལ་རྐང་ལག་འཇམ་པ་ཡིས།། རུས་སྦལ་དེ་ཡི་ཁུག་མི་ནུས།། དེ་བཞིན་རིག་པ
38b4 རང་རྩལ་དབང་། སྣང་བ་ཟང་ཐལ་སྣང་ཞེན་ལྡོག། རང་སྣང་ཡེ་ཤེས་ཟང་ཐལ་དེ།། ཕྱི་ནང་མེད་པས་སངས་རྒྱས་ཡུལ་མེད་ཤར།། རིག་པ་རང་གྲོལ་ཤར་བས་མངོན་ཞེན་ལྡོག། རིག་པ་ཟང་ཐལ་སྣང་སྲིད་འུབ་ཆུབ
38b5 ཀློང་དུ་ཐིམ།། འགྱུར་མེད་རིག་པའི་རྩལ་ཆེན་རྫོགས་ནས་ནི།། གདམས་པས་དབང་དུ་གྱུར་པས་སངས་རྒྱས་ཡུལ་མེད་ཤར།། རིག་པ་རང་དབང་གྱུར་པས་མཁའ་ལ་རལ་བསྐོར་འདྲ།། སེང་གེའི་ཕྲུ་གྲུ་རུམ་ན
38b6 གནས་པ་ལྟར།། སངས་རྒྱས་དགོངས་པ་ཁོང་དུ་རྫོགས་པ་ཡིན།། རུས་སྦལ་རྐང་ལག་ནང་དུ་བསྐུམས་པ་ལྟར།། འགྱུ་བ་སངས་པས་རིག་པ་ཁོང་དུ་གྲོལ།། མཚན་མའི་རྣམ་པར་རྟོག་པ་ཅི་སྐྱེས་ཀྱང་།། ཆོས་ཉིད
iiif viewer powered by OpenSeadragon
